اداکار وہ ہوتا ہے جو فلم، ٹیلی ویژن شو، تھیٹر پروڈکشن، یا تفریح کی کسی دوسری شکل میں کسی کردار کو پیش کرتا ہے۔
EPAPER
Updated: June 15, 2024, 1:45 PM IST | Taleemi Inquilab Desk | Mumbai
اداکار وہ ہوتا ہے جو فلم، ٹیلی ویژن شو، تھیٹر پروڈکشن، یا تفریح کی کسی دوسری شکل میں کسی کردار کو پیش کرتا ہے۔
اداکار وہ ہوتا ہے جو فلم، ٹیلی ویژن شو، تھیٹر پروڈکشن، یا تفریح کی کسی دوسری شکل میں کسی کردار کو پیش کرتا ہے۔ اپنے کرداروں کو زندہ کرنے کیلئے، اداکار اپنی جسمانی اور جذباتی صلاحیتوں کو کہانی کو نمایاں کرنےکیلئے استعمال کرتا ہے۔ مختصر کہا جائے تو اداکار دوسروں کو تفریح فراہم کرنے کے ذمہ دار ہوتا ہے۔اداکاری کیلئے تخلیقی صلاحیت، ہنر، مہارت، تربیت اور محنت کی ضرورت ہوتی ہے اور صرف وہی اداکار کامیاب ہوتا ہے جو اپنے کام میں مستقل مزاجی سے کام لیتا ہے۔
اداکار کا مستقبل
سب سے زیادہ پسند کئے جانے والے اور منافع بخش پیشہ ورانہ امکانات میں سے ایک ہونے کے باوجود، اداکاری، اداکاروں کو ضمانت شدہ تنخواہ یا کل وقتی عہدہ پیش نہیں کرتی ہے۔ پیشہ کی ترقی اداکاروں کی کارکردگی کی صلاحیتوں پر منحصر ہے۔ علاوہ ازیں اداکاری تخلیقی صلاحیتوں کو ظاہر کرنے کیلئے ایک دلچسپ کریئر ہے۔یہ اچھی رقم کمانے کا موقع بھی فراہم کرتا ہے۔
اداکار کیسے بنیں؟
بارہویں کامیاب ہونا ضروری ہے۔
بیچلر ڈگریوں میں بی اے اِن ایکٹنگ،بیچلر آف پرفارمنگ آرٹس (بی پی اے) اوربیچلر آف آرٹس اِن ڈراما وغیرہ کئے جاسکتے ہیں۔
ماسٹرز پروگرام میں ماسٹر آف آرٹس اِن ایکٹنگ اورماسٹر آف آرٹس اِن تھیٹر وغیرہ کئے جاسکتے ہیں۔
lقلیل مدتی کورسیز میں ڈپلوما اِن ایکٹنگ، پی جی ڈپلوما اِن ایکٹنگ اور سرٹیفکیٹ کورس اِن ایکٹنگ وغیرہ کئے جاسکتے ہیں۔
معروف تعلیمی ادارے
نیشنل اسکول آف ڈراما،دہلی
ایف ٹی آئی آئی ، پونے
وِسلنگ ووڈس انٹرنیشنل ،ممبئی
زی انسٹی ٹیوٹ آف میڈیا آرٹس،ممبئی
اداکار کی تنخواہ
lفلم، ٹیلی ویژن اور تھیٹر کی سطح پر کام کرنے والے اداکاروں کی تنخواہ مختلف ہوتی ہے۔