بیکر مختلف قسم کی اشیاء جیسے کوکیز، کیک، پیسٹری اور بیکری کے دیگر پکوان بناتا ہے۔ کوکنگ پروفیشن میں بیکنگ کو ایک آرٹ سمجھا جاتا ہے۔

بیکر مختلف قسم کی اشیاء جیسے کوکیز، کیک، پیسٹری اور بیکری کے دیگر پکوان بناتا ہے۔ کوکنگ پروفیشن میں بیکنگ کو ایک آرٹ سمجھا جاتا ہے۔ بیکر وہ ہوتا ہے جسے اس فن میں مہارت حاصل ہو۔ بیکر پروڈکشن منیجر، پروڈکٹ ڈیولپمنٹ منیجر، کوالیٹی انشورنس منیجر اور شیف، بیکر کی مختلف اقسام ہیں۔
بیکر کا مستقبل
 بیکنگ، ہندوستان کے فوڈ پروسیسنگ کے تمام حصوں کی سب سے بڑی صنعت ہے۔ ہندوستانی مارکیٹ میں بیکری یا بیکر کمپنیوں کا پھیلاؤ تیزی سے ہورہاہے۔ اس مارکیٹ کا ایک بڑا حصہ تقریباً ۸۰؍ فیصد بریڈ اور کوکیز سے چلتا ہے اور کوکیز کی تیاری کے لحاظ سے ہندوستان دوسرے نمبر پر ہے۔ چونکہ بریڈ اور کوکیز کا استعمال روزانہ ہوتا ہے اس لئے ان مصنوعات کی فروخت اور مانگ میں دن بہ دن اضافہ ہورہا ہے۔ بیکر کا مستقبل روشن ہوسکتا ہے۔ بیکر فل ٹائم اور پارٹ ٹائم دونوں طرح کی ملازمت کرسکتا ہے۔ 
بیکر کیسے بنیں؟
امیدوار کا بارہویں کسی بھی اسٹریم سے کامیاب ہونا ضروری ہے۔
بارہویں بعد ڈپلوما میں ڈپلوما اِن بیکری اینڈ کنفیکشنری،ڈپلوما اِن فوڈ اینڈ بیوریجز سروس اور ڈپلوما اِن فوڈ پروڈکشن کئے جاسکتے ہیں۔
بیچلر کورسيز: بی ووک اِن بیکری اینڈ پیسٹری آرٹس، بی ایس سی اِن بیکری اینڈ پیسٹری آرٹس، بی اے اِن کلنری آرٹس اور بی ایس سی اِن ہوسپٹالیٹی اینڈ ہوٹل مینجمنٹ۔ مزید مہارت کیلئے ماسٹرز بھی کیا جاسکتا ہے۔ 
معروف تعلیمی ادارے
انسٹیٹیوٹ آف بیکنگ اینڈ کیک آرٹ، بنگلورو، lاکیڈمی آف پیسٹری آرٹس، ممبئی
انٹرنیشنل انسٹیٹیوٹ آف كلنری آرٹس،نئی دہلی، lکلنری اکیڈمی آف انڈیا،حیدآباد
سمبائسس اسکول آف کلنری آرٹس، پونے
بیکر کی تنخواه 
 بیکر کی سالانہ تنخواه اوسطاً ڈھائی لاکھ سے چار لاکھ روپے ہوتی ہے۔