وینس فلم فیسٹیول کے ریڈ کارپٹ پر انجلینا جولی اپنے بیمار مداح سے ملنے کیلئے گھٹنوں کے بل بیٹھ گئیں۔ فیسٹیول میں ان کی فلم ’’ماریہ‘‘ کا پریمیر بھی ہوا جس کے بعد انہیں اسٹینڈنگ اوویشن ملا۔ مداحوں اور ناظرین کی جانب سے اتنی محبت ملنے پر انجلینا جذباتی ہوگئیں۔

ہالی ووڈ کی معروف اداکاراؤں میں سے ایک انجلینا جولی اپنی عاجزی، ہمدردی اور انسائیت کے طاقتور احساس کیلئے دنیا بھر میں مشہور ہیں۔ وینس فلم فیسٹیول میں ان کے سوانحی ڈرامے ’’ماریہ‘‘ کے ورلڈ پریمیر کے دوران انہوں نے اپنے ایک ادنیٰ سے عمل سے دنیا کا دل جیت لیا۔ اس فلم میں انجلینا جولی، پابلو لارین کی ہدایتکاری میں مشہور یونانی اوپیرا گلوکارہ ماریہ کالاس کی زندگی کی عکاسی کی ہے۔ ریڈ کارپٹ پر آنے کے بعد اداکارہ اپنے ایک مداح کو دیکھ کر بے اختیار ان کی جانب بڑھیں اور گھٹنوں پر بیٹھ کر ان کے ساتھ بات چیت کی۔ ان کا یہ عمل ویڈیوز اور تصاویر میں قید ہوگیا اور اب سوشل میڈیا پر تیزی سے وائرل ہورہا ہے۔ انٹرنیٹ صارفین انجلینا کے اس عاجزی کی خوب پذیرائی کررہے ہیں۔ 

Angelina Jolie kneeling down at red carpet of Venice Film Festival to meet a fan with ALS.

pic.twitter.com/s9jkAIxHo5

— EXECUTIVE MEDIA (@EXECUTIVEXMEDIA) August 29, 2024

انجلینا کے مداح امیوٹروفک لیٹرل سکلیروسیس (اے ایل ایس) کا شکار ہیں اور اپنے بستر سے اٹھ نہیں سکتے۔ وہ ریڈ کارپٹ کے قریب اپنے بستر پر لیٹے انجلینا کا انتظار کررہے تھے۔ نیشنل انسٹی ٹیوٹ آف نیورولوجیکل ڈس آرڈرز اینڈ اسٹروک کے مطابق، اے ایل ایس ایک اعصابی عارضہ ہے جو موٹر نیوران، دماغ اور ریڑھ کی ہڈی کے اعصابی خلیات کو متاثر کرتا ہے۔ اس کا شکار انسان اپنے بستر سے نہیں اٹھ سکتا۔

Angelina Jolie weeps through an 8-minute #Venezia81 standing ovation for ‘Maria,’ which will be a major Oscars contender. pic.twitter.com/PMiu4RWJ09

— Ramin Setoodeh (@RaminSetoodeh) August 29, 2024

مداحوں کو انجلینا جولی کا یہ انداز پسند آیا اور سبھی نے اداکارہ کی شائستہ شخصیت کی تعریف کرتے ہوئے ویڈیوز اور تصاویر شیئر کیں۔ یہی نہیں ان کی فلم ’’ماریہ‘‘ کی بھی خوب تعریف کی گئی، اور اسے اسٹینڈنگ اوویشن ملا۔ فلم میں ان کی اداکاری پر ناظرین کی جانب سے ملنے والی پذیرائی سے انجلینا جولی جذباتی ہوگئیں۔ واضح رہے کہ ’’’ماریہ‘‘ سال کے آخر میں نیٹ فلکس پر ریلیز ہوگی۔