پنک ولا نے ذرائع کے حوالے سے بتایا ہے کہ شاہ رخ خان کی اگلی فلم ’’کنگ‘‘ میں ’’مونجیا‘‘ سے شہرت پانے والے نوجوان اداکار ابھے ورما کو بھی کاسٹ کیا گیا ہے۔ اس فلم میں سہانا خان اور ابھیشیک بچن بھی مرکزی کردار میں ہیں۔

بالی ووڈ کے ابھرتے نوجوان اداکار ابھے ورما کیلئے ۲۰۲۴ء در حقیقت بہترین سال ثابت ہورہا ہے۔ ہارر کامیڈی فلم ’’مونجیا‘‘ کی شاندار کامیابی کے بعد ایک حالیہ رپورٹ میں دعویٰ کیا گیا ہے کہ انہیں شاہ رخ خان کی آنے والی فلم ’’کنگ‘‘ میں کاسٹ کیا گیا ہے۔ واضح رہے کہ فلم ’’اے وطن میرے وطن‘‘ میں سارہ علی خان کے ساتھ اسکرین شیئر کرنے والے ابھے ورما کی فلم ’’مونجیا‘‘ نے باکس آفس پر ۱۰۰؍ کروڑ کا ہندسہ پار کرلیا ہے۔ ’’کنگ‘‘ میں ابھے ورما، شاہ رخ خان، ابھیشیک بچن اور سہانا خان کے ساتھ اسکرین شیئر کریں گے۔

Abhay Verma Entry In Shah Rukh Khan and Suhana Khan Film King !#AbhayVerma #munjya #kingkhan #srk #srkfanclub #shahrukhkhanKing #dunki #suhanakhan #ShahRukh #ShahRukhKhan #abhishekbachchan #kingfilm #gaurikhan #ShahRukhKhanvideo #suhanakhanvideo #ShahRukhKhanupcomingfilm #srk pic.twitter.com/jxXTEfDqm0

— BKBShorts (@BkbShorts) August 9, 2024

اگرچہ ابھے کے کردار کے بارے میں تفصیلات سامنے نہیں آئی ہیں، لیکن ممکن ہے کہ انہیں فلم میں سہانا کے مقابل کاسٹ کیا گیا ہو۔ ’’کنگ‘‘ میں ابھے کی کاسٹنگ کے بارے میں اشتراک کرتے ہوئے ذرائع نے پنک ولا کو بتایا کہ ’’ابھے ورما کو ’’مونجیا‘‘ میں ان کی کارکردگی کیلئے کافی پذیرائی مل رہی ہے۔ اس سے ظاہر ہوتا ہے کہ ’’کنگ‘‘ میں انہیں اہم کردار کیلئے کاسٹ کیا گیا ہوگا۔ وہ اس فلم میں کام کرنے کیلئے پر جوش ہیں۔‘‘ ذرائع نے مزید بتایا کہ ’’فلم کی شوٹنگ کا شیڈول مکمل ہوگیا ہے۔ اسی سال اس کی شوٹنگ کا آغاز ہوگا۔‘‘ 

یہ بھی پڑھئے: ’’ڈان‘‘ کیلئے میرے ذہن میں رتیک روشن تھے: فرحان اختر کا انکشاف

سوجوئے گھوش کی ہدایتکاری اور سدھارتھ آنند کی مشترکہ پروڈیوس کردہ، ’’کنگ‘‘ فلم ’’ڈنکی‘‘ کے بعد شاہ رخ خان کی اگلی ریلیز ہوگی۔ یہ فلم ایک گینگسٹر ایکشن تھریلر ہے جس میں شاہ رخ خان نے سہانا کے سرپرست کا کردار ادا کیا ہے جبکہ ابھیشیک بچن نے ویلن کا کردار نبھا رہے ہیں۔