ماں بننے کے بعد اداکارہ انوشکا شرماپہلی بار ایک اشتہارمیں نظر آئیں۔اس اشتہار میں انوشکا شرما اور وراٹ کوہلی کے بیچ لاجواب بانڈنگ نظر آتی ہے۔ ویروشکا نے یہ اشتہار شیام اسٹیل کمپنی کے لئے کیا ہے۔

 ماں بننے کے بعد اداکارہ انوشکا شرماپہلی بار ایک اشتہارمیں نظر آئیں۔اس اشتہار میں انوشکا شرما اور وراٹ کوہلی کے بیچ لاجواب بانڈنگ نظر آتی ہے۔ ویروشکا نے یہ اشتہار شیام اسٹیل کمپنی کے لئے کیا ہے۔ اس میں دونوں اپنی ٹریول پلاننگ کے بارے میں بات کرتے دکھائی دیتے ہیں۔۱۱؍جنوری کوبیٹی کو جنم دینےکےبعد یہ پہلا موقع ہے، جب انوشکا شرما کسی اشتہار میں نظر آئیں۔ٹیلی ویژن چینلز کیلئے تیار کیا گیا یہ اشتہار فی الحال یوٹیوب پرشیئرکیا گیا ہے۔ اشتہار میں وراٹ انوشکاکی بانڈنگ کو لوگوں نے بے حد سراہا ہے۔ ایک صارف نے کمنٹ میں لکھا ہے کہ حقیقی زندگی میں ، ان کا ایک دوسرے سےپیار دونوں اشتہارات میں بھی دیکھا جاتا ہے۔ اشتہارمیں وراٹ کوہلی اور انوشکا شرما بستر پر لیٹے ہوئے اپنےسفری منصوبوں کے بارے میں بات کرتےہوئے دکھائی دے رہےہیں۔ اس دوران ، جہاں وراٹ کوہلی کرکٹ کی ریڈ بال کے ساتھ کھیلتے ہوئےنظر آرہےہیں، وہیں انوشکا شرما موبائل فون پر مصروف ہیں۔ انوشکا شرما نے وراٹ سے کہاکہ ہمیں بنجی جمپنگ کرنی چاہئے ، جبکہ وراٹ کوہلی کا کہنا ہے کہ  بیچ پر’چل‘ کرنا اچھا ہوگا۔وراٹ کی اس کاہلی پر انوشکاکہتی ہیں ، میں خود چلی جاؤں گی۔ وراٹ کا کہنا ہے ،’’میرا ایڈونچر مجھے چھوڑ کر جائےگا؟‘‘ اس پر انوشکا شرماکہتی ہیں کہ ٹھیک ہے ، ہم بنجی جمپنگ بھی کریں گے اور بیچ پر ’چل‘ بھی  کریں گے۔یہ اشتہار گزشتہ ہفتے ہی جاری کیا گیا ہے، لیکن اس کی شوٹنگ  انوشکا شرما نے پچھلے سال اگست میں حمل کااعلان کرنے سے پہلے ہی مکمل کرلی تھی۔اس سے پہلے بھی وراٹ اور انوشکا شرمابہت سارے برانڈز کے اشتہارات میں ایک ساتھ نظر آچکےہیں۔ انوشکا شرما کو پہلی بار بیٹی کو جنم دینے کے بعد وراٹ کوہلی کے ساتھ گھرسے باہر دیکھا گیا تھا۔بچی کی پیدائش سے قبل، انوشکاشرما نے ایک انٹرویو میںکہا تھا کہ وہ مئی تک کام شروع کریں گی۔انوشکانےکہا تھا کہ وہ گھریلو اور پیشہ ورانہ زندگی کو اس طرح مینج کریں گی کہ بچی کی پرورش میں کوئی پریشانی نہ ہو۔