بالی ووڈ اسٹار سنی دیول یعنی ۱۹؍ اکتوبر کو اپنی سالگرہ منارہےہیں۔ مداح اور قریبی لوگ انہیں سالگرہ کی مبارکباد دے رہےہیں۔

 بالی ووڈ اسٹار سنی دیول یعنی ۱۹؍ اکتوبر کو اپنی سالگرہ منارہےہیں۔ مداح اور قریبی لوگ انہیں سالگرہ کی مبارکباد دے رہےہیں۔ اپنی سالگرہ کےموقع پر سنی دیول نے اپنے مداحوں کو خصوصی تحفہ دیا ہے۔ انہوں نے اپنی آنے والی فلم کا پہلا لک پوسٹر سوشل میڈیا پر شیئر کیا ہے، جس میں وہ ایک طاقتور روپ میں نظر آ رہے ہیں۔ 
 سنی دیول نے اپنے انسٹاگرام ہینڈل پر فلم ’جاٹ‘ سے اپنی پہلی جھلک دکھائی ہے۔ پوسٹر میں دیکھاجا سکتا ہے کہ سنی دیول غصے میں ہیں اور ان کے ہاتھ میں چھت کا بڑا پنکھا ہے۔ ایسا لگتا ہے جیسے انہوں نے کسی کو مارنے کے لیے اس پنکھے کو اکھاڑا ہو۔ یہ فلم’جاٹ‘ کا کوئی سین ہو سکتا ہے۔ 
 فلم’جاٹ‘ کے پوسٹر سے واضح ہے کہ سنی دیول ایک بار پھر بڑے پردے پرایکشن اوتار میں نظر آنے والے ہیں۔ گوپی چند مالینی اس فلم کی ہدایت کارہیں۔ پنک ولا کی رپورٹ کے مطابق، اگلے ۲۰۲۵ءکےیوم جمہوریہ کے ویک اینڈپر ’جاٹ‘ کو ریلیز کرنے کا منصوبہ ہے۔ اس حوالے سے باضابطہ اعلان جلد متوقع ہے۔ 
 سنی دیول کی فلم’جاٹ‘میں سنی دیول کے علاوہ رندیپ ہوڈا، سیامی کھیر اور ریجینا کیسینڈرا جیسےستارے اہم کرداروں میں نظر آئیں گے۔ اس وقت فلم کی شوٹنگ حیدرآباد میں جاری ہے۔ 
 واضح رہے کہ۲۰۲۳ءمیں سنی دیول کی فلم ’غدر۲‘نے باکس آفس پر دھوم مچائی تھی۔ فلم کی ہدایت کاری انیل شرما نے کی تھی۔ ’غدر۲‘ نے ریلیزکے بعد دنیا بھر میں تقریباً ۶۹۱؍کروڑ روپے کا بزنس کرکے تاریخ رقم کی۔ امیشا پٹیل، اتکرش شرما اور منیش وادھوا بھی اس فلم کا حصہ تھے۔