بالی ووڈ اداکار سنیل شیٹی کے بیٹے آہان شیٹی اپنے والد کی سپر ہٹ فلم دھڑکن کے ری میک میں کام کرنا چاہتے ہیں۔

   بالی ووڈ اداکار سنیل شیٹی کے بیٹے آہان شیٹی اپنے والد کی سپر ہٹ فلم دھڑکن کے ری میک میں کام کرنا چاہتے ہیں۔    آہان شیٹی نے  بالی ووڈ میں اپنے کریئر کا آغازفلم تڑپ  سے کیا ہے۔ آہان نے سوشل میڈیا ہینڈل پر ’آسک می اینی تھنگ‘ کے دوران کئی سوالوں کے جوابات دئیے۔ اس دوران ایک یوزرنے آہان سے پوچھا کہ وہ اپنے والد کی کس فلم کے ری میک میں کام کرنا پسند کریں گے؟ آہان نے فلم دھڑکن کا ایک  پوسٹر شیئر کرتے ہوئے جواب دیا کہ وہ اس فلم کے ری میک میں کام کرنا پسند کریں گے۔ خیال رہے کہ ۲۰۰۰ء میں ریلیز ہونےوالی فلم دھڑکن میں اکشے کمار، شلپا شیٹی، سنیل شیٹی اور مہیما چودھری نے مرکزی کردار ادا کئے تھے۔