۲۷؍ ستمبر کو جونیئر این ٹی آر کی ’’دیوارا‘‘ ریلیز ہوگی۔ اس سے قبل مداحوں نے اداکار کے ۵۰؍ فٹ بلند کٹ آؤٹ پر ابھیشیکم رسم انجام دی جس میں کٹ آؤٹ پر خون اور دودھ بہایا گیا۔

جونیئر این ٹی آر کی ’’دیوارا‘‘ کے متعلق شائقین کی پُرجوش ہیں جو اسی ہفتے ریلیز ہوگی۔ اداکار کے ساتھ اپنی وفاداری اور عقیدت ظاہر کرنے کیلئے مداحوں نے ریلیز سے قبل ان کے بڑے کٹ آؤٹ کی نقاب کشائی کی۔ یہ کٹ آؤٹ ۵۰؍ فٹ بلند ہے۔ مداحوں نے اس کٹ آؤٹ پر خون اور دودھ بہایا۔ یہ انوکھی رسم تھی۔ رپورٹس کے مطابق، مداحوں نے ابھیشیکم نامی رسم میں دودھ اور خون ایک ساتھ بہایا۔ خیال کیا جاتا ہے کہ یہ اداکار کے تئیں مداحوں کی عقیدت ہے۔

Blood Bath At Ananthapur @tarak9999 🔥🔥🔥. @DevaraMovie #Devara pic.twitter.com/fN45i29lt7

— Sai Mohan `NTR` (@Sai_Mohan_999) September 20, 2024

سوشل میڈیا پر وائرل ویڈیو میں یہ کٹ آؤٹ پر خون اور دودھ بہانے کا منظر صاف دیکھا جاسکتا ہے۔ 

اس فلم کے مصنف اور ہدایتکار راتلا شیوا ہیں۔ کاسٹ میں سیف علی خان اور جھانوی کپور بھی شامل ہیں۔ اس کے ساتھ ہی دونوں بالی ووڈ اداکاروں نے تیلگو سنیما میں کریئر کی ابتداء کی ہے۔ فلم کی موسیقی انیرودھ روی چندر نے ترتیب دی ہے۔ اس فلم کا بجٹ ۲۰۰؍ سے ۳۰۰؍ کروڑ روپے کے درمیان ہے۔یہ فلم ۲۷؍ ستمبر کو ریلیز ہوگی۔