اکشے کمار (اداکار) اور پریہ درشن (ہدایتکار) نے شائقین کو ۶؍ کامیڈی فلمیں دی ہیں۔ اکشے کمار نے اپنی ۵۶؍ ویں سالگرہ کے موقع پر پریہ درشن کے ساتھ نئی فلم ’’بھوت بنگلہ‘‘ کا اعلان کیا۔ اس فلم کے ساتھ اکشے اور پریہ درش ۱۴؍ سال بعد ساتھ واپس آرہے ہیں۔
EPAPER
Updated: September 09, 2024, 8:34 PM IST | Mumbai
اکشے کمار (اداکار) اور پریہ درشن (ہدایتکار) نے شائقین کو ۶؍ کامیڈی فلمیں دی ہیں۔ اکشے کمار نے اپنی ۵۶؍ ویں سالگرہ کے موقع پر پریہ درشن کے ساتھ نئی فلم ’’بھوت بنگلہ‘‘ کا اعلان کیا۔ اس فلم کے ساتھ اکشے اور پریہ درش ۱۴؍ سال بعد ساتھ واپس آرہے ہیں۔
اپنی ۵۶؍ ویں سالگرہ پر اکشے کمار نے اپنی نئی فینٹیسی ہارر کامیڈی فلم کا اعلان کیا ہے جس میں وہ ۱۴؍ سال بعد پریہ درشن کے ساتھ نظر آئیں گے۔ فلم کا نام ’’بھوت بنگلہ‘‘ ہے جسے ایکتا کپور اور اکشے کمار پروڈیوس کررہے ہیں۔ ’’بھوت بنگلہ‘‘ کے فرسٹ لک موشن پوسٹر کو شیئر کرتے ہوئے اکشے نے انسٹاگرام پر لکھا کہ ’’سال بہ سال میری سالگرہ پر آپ کی محبت کا شکریہ! ’بھوت بنگلہ‘ کے فرسٹ لک کے ساتھ اس سال کا جشن! میں ۱۴؍ سال بعد پریہ درشن کے ساتھ دوبارہ آرہا ہوں۔ مَیں پرجوش ہوں۔‘‘
Thank you for your love on my birthday, year after year! Celebrating this year with the first look of ‘Bhooth Bangla`! I’m beyond excited to join forces with Priyadarshan again after 14 years. This dream collaboration has been a long time coming… can’t wait to share this… pic.twitter.com/2Wnim0mWBu
— Akshay Kumar (@akshaykumar) September 9, 2024
واضح رہے کہ اس سال کے شروع میں ہندوستان ٹائمز کے ساتھ ایک انٹرویو میں، پریہ درشن نے اکشے کمار کے ساتھ ری یونین کے بارے میں تفصیلات شیئر کی تھیں۔ انہوں نے کہا تھا کہ ’’میری سب سے اہم فلم جس پر میں کام شروع کر رہا ہوں وہ اکشے کے ساتھ ہے، جسے ایکتا کپور نے پروڈیوس کیا ہے۔ یہ مزاح کے ساتھ ایک خوفناک فینٹیسی ہے۔‘‘
یہ بھی پڑھئے: ۲۷؍ سال قبل اِس فلم میں شاہ رخ خان نے باپ اور بیٹے کا کردار ادا کیا تھا
جب ان سے پوچھا گیا کہ کیا یہ ’’بھول بھلیاں‘‘ جیسی ہوگی تو انہوں نے واضح کیا کہ ’’یہ ایک سائیکولوجیکل تھریلر ہے جو کالے جادو کے پس منظر میں ہے۔ اکشے کے ساتھ کام کرنا خوشی کی بات ہے۔ ہماری پہلی فلم سے لے کر اس فلم تک، ان کے ساتھ ہمیشہ اچھا رہا ہے، وہ جذبات کواچھی طرح سنبھالتے ہیں۔ ‘‘ واضح رہے کہ اکشے کمار اور پریہ درشن اب تک چھ فلموں (ہیرا پھیری، پھر ہیرا پھیری، دے دنا دن، بھول بھلیاں، بھاگم بھاگ، گرم مسالہ)میں ایک ساتھ کام کر چکے ہیں اور ’’بھوت بنگلہ‘‘ ان کا ساتواں اشتراک ہوگا۔ یہ فلم ۲۰۲۵ء میں سینما گھروں میں ریلیز ہوگی۔