’’پشپا ۲‘‘ کے پروڈیوسرز نے ایکس پر فلم کا نیا پوسٹر جاری کرتے ہوئے فلم کے ٹریلر کی ریلیز کا اعلان کیا ہے۔

اللو ارجن اور رشمیکا مندانا کی آنے والی ایکشن ڈراما ’’پشپا۲‘‘ (پشپا: دی رُول) کا ٹریلر ۱۷؍ نومبر کو ریلیز ہوگا۔ اس کا اعلان پروڈکشن کمپنی میتھری مووی میکرز نے پیر کو ایکس پر پوسٹر شیئر کرتے ہوئے لکھا کہ ’’سینما گھروں سے پہلے ایک دھماکہ خیز ٹریلر۔ بڑے پیمانے پر پشپا ۲؍ کے ٹریلر کا تجربہ کریں، ۱۷؍ نومبر کو ۶؍ بجکر ۳؍ منٹ پر پٹنہ میں ایک بلاسٹنگ ایونٹ کے ساتھ۔‘‘ سوکمار کی تحریر اور ہدایتکاری میں بننے والی اس فلم میں دھنونجے، راؤ رمیش، سنیل، انسویا بھردواج اور اجے گھوش بھی ہیں۔

#Pushpa2TheRule Trailer out on November 17th at 6:03 PM in Patna! pic.twitter.com/cvj9NL6nmR

— Allu Arjun (@alluarjun) November 11, 2024

’’پشپا ۲‘‘ ۲۰۲۱ کی فلم ’’پشپا‘‘ کا سیکوئل ہے، جس نے پورے ہندوستان میں باکس آفس پر زبردست کامیابی حاصل کی۔ فلم کی موسیقی دیوی سری پرساد نے ترتیب دی ہے جبکہ سینماٹوگرافی میروسلا کوبا بروزیک نے سنبھالی ہے۔ ’’پشپا ۲‘‘  ۵؍ دسمبر کو سنیما گھروں میں ریلیز ہوگی۔