بالی ووڈ اداکارہ امریتا راؤ نے انکشاف کیا ہے کہ انہوںنےشوہر انمول سے۲۰۱۴ءمی ںشادی کی تھی لیکن اسے منظرِ عام پر ۲۰۱۶ءمیں لائیں۔

 بالی ووڈ اداکارہ امریتا راؤ نے انکشاف کیا ہے کہ انہوں نےشوہر انمول سے۲۰۱۴ءمیں شادی کی تھی لیکن اسے منظرِ عام پر ۲۰۱۶ءمیںلائیں۔جوڑے کے یوٹیوب شو ’کپل آف تھنگز‘ کی تازہ ترین قسط میں امریتا اور انمول نے انکشاف کیا کہ ہم نے۲۰۱۴ءمیں خفیہ طور پر شادی کی، تاہم اس کا اعلان۲۰۱۶ءمیں کیا۔ انہوں نے ویڈیو میں وضاحت کی کہ اگرچہ انمول نے انہیں چند بار پرپوز کیا، لیکن امریتا ہر بار پیشکش کو ٹھکرا دیتی تھیں۔امریتا راؤ کا خیال تھا کہ اگر وہ بروقت اپنی شادی کا اعلان کر دیتیں تو ان کے کرئیر کے تباہ ہونے کا خدشہ تھاکیونکہ بالی ووڈ میں شادیوں کے بعدکرئیر بےحد متاثر ہوتے ہیں۔بالی ووڈ اداکارہ نے کہا کہ’’آج کے دور میں سوشل میڈیا کا استعمال بہت زیادہ ہے جہاں ہم اپنے خیالات کا بخوبی اظہار کرتے ہیں لیکن جب میری شادی ہوئی تو اُس وقت سوشل میڈیا کی طرف لوگوں کا زیادہ رجحان نہیں تھا۔‘‘اُنہوں نے کہا کہ’’اُس وقت افواہیں پھیلانا بہت آسان تھا اور پھر اُن افواہوں پر ردّعمل دینا بہت مشکل تھا لہٰذا ہم نے دو سال تک اپنی شادی خفیہ رکھی۔‘‘امریتا راؤ نے کہا کہ اُن کے شوہر انمول نے پھر مشورہ دیا کہ وہ رازداری میں شادی کریں گے جس کے بعد وہ شادی کے لیے راضی ہوئیں۔انہوں نے۱۵؍ مئی ۲۰۱۴ءکو قریبی رشتےداروں کی موجودگی میں شادی کی تھی لیکن اُنہوں نے ۲۰۱۶ءمیں اپنی شادی کا اعلان کیاتھا اور۲۰۲۰ءمیں اُن کے ہاں بیٹے کی پیدائش ہوئی۔