متعدد مرتبہ تاخیر کے بعد بالآخر وکرانت ماسی کی فلم ’’دی سابرمتی رپورٹ‘‘ کی ریلیز کی تاریخ کا اعلان کیا گیا ہے۔ خیال رہے کہ اس فلم کو سوریہ کی ’’کانگووا‘‘ سے سخت مقابلہ ہوگا۔

متعدد تاخیر کے بعد وکرانت ماسی اور ایکتا کپور کی متنازع فلم ’’دی سابرمتی رپورٹ‘‘ کو آخرکار ریلیز کی نئی تاریخ مل گئی ہے۔ ترن آدرش کے ایکس اپ ڈیٹ کے مطابق ’’ دی سابرمتی رپورٹ‘‘ ۱۵؍ نومبر ۲۰۲۴ء کو ریلیز ہوگی۔ خیال رہے کہ ’’ٹویلتھ فیل‘‘ کی زبردست کامیابی کے بعد وکرانت ماسی کو ایک اہم اداکار کے طور پر تسلیم کیا گیا ہے۔ حال ہی میں ان کی ’’سیکٹر ۳۶‘‘ نیٹ فلکس پر ریلیز ہوئی جس کی خوب پذیرائی کی جارہی ہے۔ اس فلم میں وکرانت نے  پریم سنگھ نامی سیریل کلر کا کردار ادا کیا ہے۔

EKTAA R KAPOOR - VIKRANT MASSEY: ‘THE SABARMATI REPORT’ GETS NEW RELEASE DATE… After the super-success of #12thFail, #VikrantMassey will be seen on the *big screen* in #TheSabarmatiReport... The makers have announced a new release date: 15 Nov 2024.

Also features #RidhiDogra… pic.twitter.com/CELzmmg747

— taran adarsh (@taran_adarsh) September 19, 2024

’’دی سابرمتی رپورٹ‘‘ میں ایسے رپورٹرز کی کہانی پیش کی گئی ہے جو ۲۰۰۲ء میں ہوئے سابرمتی ایکسپریس حادثے کے بعد وہاں جاتے ہیں۔ اس فلم میں وکرانت ماسی کے علاوہ راشی کھنہ اور ردھی ڈوگرا بھی مرکزی کردار میں نظر آئیں گے۔واضح رہے کہ ۱۴؍ نومبر کو کوئی بڑی بالی ووڈ فلم ریلیز نہیں ہورہی ہے البتہ اس فلم کو سوریہ کی ’’کانگووا‘‘ سے سخت مقابلہ کرنا پڑے گا جو اسی تاریخ کو ریلیز ہوگی۔