بالی ووڈ کی مشہورکوریوگرافر سروج خان کا انتقال ہوگیا ہے، ان کا انتقال رات دیر گئے ممبئی میں ہوا۔ سروج خان کی موت کی وجہ حرکت قلب بند ہونا بتائی جارہی ہے۔ خیال رہے کہ انہیں  سانس لینے میں دشواری کی شکایت کے سبب ۲۰ جون کو باندرہ کے گرو نانک اسپتال میں داخل کیا گیا تھا۔

بالی ووڈ کی مشہورکوریوگرافر سروج خان کا انتقال ہوگیا ہے، ان کا انتقال رات دیر گئے ممبئی میں ہوا۔ سروج خان کی موت کی وجہ حرکت قلب بند ہونا بتائی جارہی ہے۔ خیال رہے کہ انہیں  سانس لینے میں دشواری کی شکایت کے سبب ۲۰ جون کو باندرہ کے گرو نانک اسپتال میں داخل کیا گیا تھا۔
اطلاع کے مطابق اسی دوران اسپتال میں داخل ہونے کے بعد سروج خان کی لازمی کوویڈ 19 تحقیقات بھی کی گئیں  جس میں انفکشن کی تصدیق نہیں ہوئی تھی۔سروج خان ۲۲ نومبر ۱۹۴۸ کو ممبئی میں پیدا ہوئی تھیں۔ وہ ۷۲ سال کی تھی۔ ان کا اصلی نام نرملا ناگپال تھا۔ انہوں نے ۲۰۰ سے زیادہ فلموں کے لئے کوریوگرافی کی۔ سروج پہلی اسسٹنٹ کوریوگرافر تھیں لیکن وہ ۱۹۷۴میں بننے والی فلم گیتا میرا نام سے کوریوگرافر بن گئیں۔سروج خان نے ۱ے لے کر 2019 تک سینکڑوں بالی ووڈ فلموں میں گانوں کی کوریوگرافی کی۔ 
سروج خان  ’چولی کے پیچھے کیا ہے‘ جیسے بہت سے سپر ہٹ اور مشہور گانوں پر رقص کی وجہ سے ہٹ ہوگئیں تھیں، سروج خان نے بہت سی ہٹ فلموں کے گانوں کوریوگرافی کی جن میں ’تیزاب،  کھلنائیک، مسٹر انڈیا،  چالباز، نگینہ، چاندنی، ہم دل دے چکے صنم، دیوداس‘ شامل ہیں۔
سروج خان کو 2002 میں فلم ’گرو‘ کے لئے فلم فیئر ایوارڈ ،  اسی سال فلم ’دیوداس‘ کے لئے فلم فیئر ایوارڈ اور   فلم `لگان` کے لیئے نیشنل ایوارڈ  سے نوازا گیا تھا اس کے علاوہ 2007 می فلم ’جب وی میٹ‘ کے لئے بہترین کوریوگرافر کا قومی فلم ایوارڈ بھی دیا گیا۔
واضح رہے کہ 2020 بالی ووڈ کے لئے ایک بہت ہی برا سال ثابت ہورہا ہے۔ ایک کے بعد ایک بالی ووڈ اسٹارز  اس دنیا کو الوداع کہہ رہے ہیں ۔ پہلے عرفان خان، پھر رشی کپور اور  میوزک ہدایتکار واجد خان کی موت کی خبریں سامنے آئی ہیں، اس کے بعد سب سے چونکانے والی خبر سوشانت سنگھ راجپوت کی خود کشی کا معاملہ سامنے آیا جس کی وجہ سے لوگ اب بھی مکمل طور پر بازیاب نہیں ہوسکے ہیں اور اب سروج خان کے انتقال سے پوری فلمی دنیا لرز گئی ہے۔