انوراگ کشیپ نے انکشاف کیا ہے کہ ان کی ہدایتکاری میں بننے والی ۵؍ فلمیں ۲۰۲۵ء میں ریلیز ہوں گی۔ فلمساز نے دعویٰ کیا کہ وہ شاہ رخ خان سے زیادہ مصروف ہیں اور روزانہ تین پروجیکٹس کو مسترد کررہے ہیں۔

انوراگ کشیپ نے انکشاف کیا ہے کہ ان کی ہدایتکاری میں بننے والی ۵؍ فلمیں ۲۰۲۵ء میں ریلیز ہوں گی۔ فلمساز نے دعویٰ کیا کہ وہ شاہ رخ خان سے زیادہ مصروف ہیں اور روزانہ تین پروجیکٹس کو مسترد کررہے ہیں۔ انہوں نے ’’ایکس‘‘ پر لکھا کہ’’وہ ممبئی چھوڑ چکے ہیں لیکن انہوں نے فلمیں بنانا بند نہیں کیا ہے۔ ‘‘انوراگ نے لکھا کہ’’ میں نے شہر بدلا ہیں۔ میں نے فلم سازی نہیں چھوڑی ہے۔ ان تمام لوگوں کیلئے جو سوچتے ہیں کہ میں مایوس ہوں اور چلاگیا ہوں ، میں یہا ں ہوں اور میں شاہ رخ خان سے زیادہ مصروف ہوں ۔ میرے پاس ۲۰۲۸ء تک تاریخیں نہیں ہیں۔ ‘‘

I have relocated cities.i have not left filmmaking . For all the people who think I am frustrated and gone . I am here and I am busier than shah rukh khan ( I have to be, I don’t make
As much money😂) I don’t have dates until 2028. I have five directorial hopefully coming out…

— Anurag Kashyap (@anuragkashyap72) April 17, 2025

انہوں نے مزید لکھا کہ’’ میری ہدایتکاری والی پانچ فلمیں امید ہے کہ اس سال ریلیز ہوں اور شاید تین ابھی ہوں اور ۲؍ اگلے سال ریلیز ہوں ۔ میرے پاس سب سے طویل آئی ایم ڈی بی ہے۔ ‘‘پچھلے مہینے، ’’دی ہندو ‘‘کے ساتھ بات چیت میں، گینگس آف واسع پور کے ڈائریکٹر نے انکشاف کیا کہ انہوں نے ہندی فلم انڈسٹری سے مایوسن ہونے کی وجہ سے ممبئی چھوڑ دیا ہے۔ انہوں نے کہا تھا کہ ’’میں فلمی لوگوں سے دور رہنا چاہتا ہوں۔ انڈسٹری بہت زہریلی ہو چکی ہے۔ ہر کوئی غیر حقیقی اہداف کا پیچھا کر رہا ہے، اگلی ۵۰۰؍یا ۸۰۰؍کروڑ روپے کی فلم بنانے کی کوشش کر رہا ہے۔ تخلیقی ماحول ختم ہو گیا ہے۔ ‘‘