وراٹ کوہلی اور انوشکا شرما نےمنگل کو اپنے ہاں بیٹے کی پیدائش کی خبر سوشل میڈیا پر شیئر کی۔ تاہم، ’’اکائے‘‘ کی پیدائش ۱۵؍ فروری کو ہوئی ہے۔

وراٹ کوہلی اور انوشکا شرما نے منگل کو اپنے ہاں دوسرے بچے کی پیدائش کا انسٹاگرام پر اعلان کیا۔ بیٹی کے بعد ان کے پاس بیٹے کی پیدائش ہوئی ہے جس کا نام انہوں نے ’’اکائے‘‘ رکھا ہے۔ انہوں نے بتایا کہ ۱۵؍ فروری کوبیٹے کا جنم ہوا البتہ اس کی اطلاع منگل کو دی گئی۔
انوشکا شرما اور وراٹ نے انسٹاگرام پر بچے کی ولادت کے بارے میں اعلان کرتے ہوئے کہا کہ ’’بے پناہ خوشی اور محبت بھرے دل کے ساتھ، ہمیں یہ بتاتے ہوئے خوشی ہورہی ہے کہ ہم نے ۱۵؍ فروری کو اپنے بیٹے ’’اکائے‘‘ اور وامیکا کے چھوٹے بھائی کو اس دنیا میں خوش آمدید کہا ہے! ہم ہماری زندگی کے اس خوبصورت وقت میں آپ سب کی دعائیں چاہتے ہیں۔ ہم آپ سے درخواست کرتے ہے کہ اس وقت میں ہماری نجی زندگی کااحترام کریں۔ بہت سارا پیار اور ہم آپ کے شکرگزار ہیں۔ وراٹ اور انوشکا۔‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by AnushkaSharma1588 (@anushkasharma)

اس اعلان کے بعد ہی ’ایکس‘ پر وراٹ کوہلی کی حال ہی لندن کی سڑکوں پر لی گئی تصویر سوشل میڈیا پر وائرل ہورہی ہے۔
حال ہی میں افواہیں تھی کہ انوشکا شرما اپنے دوسرے بچے کو لندن کے ایک اسپتال میں جنم دینے والی ہیں،اور سوشل میڈیا پروراٹ کوہلی کی تصویر سے بہت سے لوگ اس بات کے قائل نظر آرہے ہیں کہ وراٹ اور انوشکا نے بیٹے ’اکائے‘ کا لندن میں خیرمقدم کیا ہے۔ 
تصویر میں وراٹ شام کے وقت لندن کی سڑکوں پرکالی جیکٹ اور سفید پینٹ زیب تن کئے کیپ پہنے نظر آرہے ہیں۔وراٹ تصویر میں سنجیدہ دکھائی دے رہے ہیں جبکہ تصویرواضح طور پر ایک مداح نے لی ہے۔

Latest Picture Virat Kohli in London 😍 pic.twitter.com/JOQoq13EQQ

— Virat Kohli Fan Club (@Trend_VKohli) February 20, 2024