اے اے پی آئی وکٹری فنڈ نے کنسرٹ کی تاریخ کا اعلان نہیں کیا اور رحمان نے ابھی تک اپنے سوشل میڈیا ہینڈل پر اس کنسرٹ کے بارے میں پوسٹ نہیں کیا ہے۔

مشہور ہندوستانی موسیقار اے آر رحمان، نائب صدر کملا ہیرس کی امریکی صدارتی انتخابات ۲۰۲۴ء میں اُمیدواری کا جشن منانے کیلئے ایک لائیو میوزک کنسرٹ میں پرفارم کریں گے۔ ہند امریکی فنڈ ریزر ٹرسٹ ایشین امریکن پیسیفک آئی لینڈرز (اے اے پی آئی) وکٹری فنڈ نے جمعرات کی شام، سوشل میڈیا پلیٹ فارم یکس (سابقہ نام ٹویٹر) پر ایک پوسٹ میں لکھا کہ اے آر رحمان کے ساتھ ایک خاص شام۔ اے آر رحمان کے ساتھ کملا ہیرس کی امریکی صدر کیلئے تاریخی امیدواری کا جشن منائیں اور عالمی معیار کی لائیو نیورمبرگ کنسرٹ براہ راست گھر بیٹھے دیکھیں۔ 

یہ بھی پڑھئے: ’’سنگھم اگین‘‘ سے پہلے ’’سنگھم‘‘ کی ری ریلیز

پوسٹ میں مشہور ہندوستانی موسیقار کی کارکردگی کی لائیو سٹریمنگ کا ویب لنک حاصل کرنے کیلئے شائقین کیلئے ایک سائن اپ شیٹ بھی شیئر کی گئی۔ اے اے پی آئی وکٹری فنڈ نے کنسرٹ کی تاریخ کا اعلان نہیں کیا۔ دوسری طرف، رحمان نے ابھی تک اپنے سوشل میڈیا ہینڈل پر اس کنسرٹ کے بارے میں پوسٹ نہیں کیا ہے۔ واضح رہے کہ اے اے پی آئی وکٹری فنڈ نے حالیہ انتخابات میں نائب صدر ہیرس کی حمایت کی ہے اور وہ ملک بھر میں کانگریس کیلئے انتخاب لڑنے والے اے اے پی آئی امیدواروں کی بھی حمایت کر رہا ہے۔