بالی ووڈ کی مشہور اداکارہ اور کپل شرما شو سےجانی جانے والی ارچنا پورن سنگھ فلم کی شوٹنگ کے دوران سیٹ پر ہوئے حادثے میں شدید زخمی ہو گئیں۔ انہیں چہرے پر زخم آئے جبکہ کلائی کی ہڈی ٹوٹ گئی۔

بالی ووڈ کی مشہور اداکارہ اور کپل شرما شو سےجانی جانے والی ارچنا پورن سنگھ فلم کی شوٹنگ کے دوران سیٹ پر ہوئے حادثے میں شدید زخمی ہو گئیں۔ انہیں چہرے پر زخم آئے جبکہ کلائی کی ہڈی ٹوٹ گئی۔انہیں فوری طور پر اسپتال لے جایا گیا، جہاں ان کی کلائی کی سرجری کرنے کو کہا گیا ہے۔ ان کے چہرے پر زخم اور دائیں ہاتھ اور ہونٹوں پر سوجن بھی تھی۔
ارچنا کے بیٹے آیوشمان سیٹھی نے یہ خبر اپنے بھائی آریہ مان کو دی۔ اداکارہ کو ممبئی کے ناناوتی اسپتال میں داخل کرایا گیا ہے۔اپنے شوہراوراداکار پرمیت سیٹھی کے ذریعے بنائی گئی ویڈیو میں ارچنا نے بتایا کہ’’ میں شیدید صدمے میں ہوں، میں نے سوچا بھی نہیں تھا کہ میرے ساتھ ایسا کچھ ہوگا۔ میں انتہائی تکلیف میں ہوں، میں نے راج کمار راؤ کوفون کیا، میں رات کی شفٹ میں کام کررہی ہوں، حالانکہ میں کافی پریشان ہوں، لیکن مجھے ویرار لوٹنا ہے شوٹنگ کیلئے، ورنہ میری وجہ سے ان کا بہت نقصان ہوجائے گا۔ میں نے پورے آستین کا لباس پہنا ہے، اور وہ اس زاویئے سے بھی فلمسازی کریں گے ، جہاں آپ بتا بھی نہیں پائیں گے کہ آپ زخمی ہیں۔‘‘

یہ بھی پڑھئے: نیٹ فلکس دستاویزی فلم پرکاپی رائٹ دعوے میں دھنش کی نین تارا پر قانونی فتح

انہوں نے مزید کہا کہ ’’ میں نے اس حادثے سے یہ سبق سیکھا ہے کہ آپ کے ساتھ کبھی بھی کچھ بھی ہو سکتا ہے۔لیکن آخر میں سب صحیح ہو جاتا ہے۔میرے چہرےپر زخم ہے، حالانکہ یہ تباہ بھی ہو سکتا تھا۔ مگر میری کلائی ہی زخمی ہوئی ۔یہ بھی ٹھیک ہو جائے گی۔ انہوں نے مجھے بتایا ہے کہ شوٹنگ میں چند گھنٹوں کیلئے ہی میری موجودگی ضروری ہے۔‘‘
واضح رہے کہ ارچنا پورن سنگھ آخری مرتبہ کپل شرما شو سیزن ۲؍ میں نظر آئی تھیں، اس سے قبل کرکٹر سے سیاست داں بنے نوجوت سنگھ سدھو کے ۲۰۱۹ء میں یہ شو چھوڑنے کے بعد باقاعدہ ارچنا کپل شرما شو میں نظر آتی تھیں۔ اس کے علاوہ ارچنا کو ۲۰۲۴ء کی فلم ’’ وکی ودیا کا وہ والا ویڈیو‘‘ میں راجکمار راؤ اور ترپتی دیمری کے ہمراہ نظر آئیں۔یہ مزاحیہ فلم نئے شادی شدہ جوڑے کے مزاحیہ سفر پر مبنی ہے۔ جب وہ اپنے خاندان کے ساتھ رشی کیش کے خوبصورت قصبے میں اپنی سہاگ رات کی سی ڈی کی بازیابی کیلئے جدو جہد کرتے ہیں۔