ڈانسر اور اداکارہ ملائیکہ اروڑہ اور ان کے قریبی دوست اداکار ارجن کپور کی علیحدگی کی خبریں گزشتہ چند ہفتوں سے زور پکڑ رہی ہیں۔

ڈانسر اور اداکارہ ملائیکہ اروڑہ اور ان کے قریبی دوست اداکار ارجن کپور کی علیحدگی کی خبریں گزشتہ چند ہفتوں سے زور پکڑ رہی ہیں۔ حال ہی میں ارجن کپور کی۳۹؍ ویں سالگرہ کے موقع پر ان کی رہائش گاہ پر رات گئے پارٹی کا اہتمام کیا گیا تھا جس میں ان کے قریبی دوستوں نے شرکت کی تھی لیکن ملائیکہ اروڑہ اس پارٹی سے غائب تھیں۔ 
 سالگرہ کی پارٹی میں ملائیکہ اروڑہ کی عدم موجودگی نے اس جوڑے کی علیحدگی سے متعلق گردش کرتی ہوئی خبروں میں جیسے آگ کا کام کیا ہے۔ سبھی میڈیا کو انٹرویو دیتے ہوئے ڈانسراور اداکارہ نے ایک سوال کے جواب میں محبت کے بارے میں اپنے خیالات کا اظہار کیا۔ انہوں نے کہا کہ چاہے کچھ بھی ہو جائے میں سچی محبت سے کبھی دستبردار نہیں ہوں گی، میں ایک اسکارپین ہوں، اس لئے اپنی محبت کے لئے آخری دم تک لڑتی رہوں گی۔