ٹی وی شوز سے اپنی شناخت بنانے والی ریدھی ڈوگرہ فلموں اور ویب سیریز میں بھی اپنی صلاحیتوں کا لوہا منواچکی ہیں۔ حالیہ انٹرویو میں انہوں نے ’’عبیر گلال‘‘ میں پاکستانی اداکار فواد خان کے ساتھ کام کرنے کے متعلق اپنا نقطہ نظر بیان کیا۔ اس فلم میں فواد خان کے ساتھ وانی کپور مرکزی کردار میں ہیں۔

متعدد مشہور ٹیلی ویژن کرداروں کے ساتھ خود کی شناخت بنانے والی ریدھی ڈوگرہ اب بڑی اسکرین پر بھی نظر آرہی ہیں۔ وہ فلموں اور ویب سیریز دونوں میں اہم کردار ادا کر رہی ہیں۔ ۲۰۲۳ء میں وہ ۲؍ بڑی فلموں (شاہ رخ خان کی ’جوان‘ اور سلمان خان کی ’ٹائیگر۳‘ میں) میں نظر آئیں۔مزید برآں، وہ امیزون منی ٹی وی کے ’’بدتمیز دل‘‘ اور پرائم ویڈیو کی ’’ممبئی ڈائریز ۲۶/۱۱‘‘ میں بھی اپنی اداکاری کے جوہر دکھائے تھے۔ اب ان کی ’’دی سابرمتی رپورٹ‘‘ ریلیز ہونے والی ہے جس میں وکرانت ماسی بھی نظر آئیں گے۔ ایک حالیہ انٹرویو میں ریدھی نے پاکستانی اداکار فواد خان کے ساتھ ایک دلچسپ پروجیکٹ میں اپنی شمولیت کی بھی تصدیق کی۔ 

’’عبیر گلال‘‘ کے پوسٹر میں فواد خان اور وانی کپور۔ تصویر: آئی این این

سدھارتھ کنن کے ساتھ بات چیت میں، ریدھی نے انکشاف کیا کہ ’’عبیر گلال‘‘ نامی فلم میں وانی کپور بھی ہیں۔ جب ان سے پوچھا گیا کہ کیا وہ فواد کی قومیت کی وجہ سے ان کے ساتھ کام کرنے میں کوئی ہچکچاہٹ محسوس کرتی ہیں، تو ریدھی نے کھل کر اپنے خیالات کا اظہار کیا۔ انہوں نے کہا کہ ’’مجھے ہندوستانی ہونے پر فخر ہے۔ میرے بچپن سے ہی سب کہتے ہیں کہ میں بیرون ملک چلی جاؤں گی، لیکن ایسا کبھی نہیں ہوگا۔‘‘ ریدھی نے قومی حدود سے تجاوز کرتے ہوئے آرٹ پر اپنے نقطہ نظر کا اظہار رکھنا جاری رکھا، ’’ایک شخص کسی ملک کا ہوسکتا ہے لیکن فن کا کوئی ملک نہیں ہے۔ ہم جب بھی کوئی چیز دیکھتے ہیں، چاہے وہ ڈرامہ ہو یا فلم، ہمیں صرف وہی کردار نظر آتے ہیں۔ ہم اس بات پر غور نہیں کرتے کہ اس شخص (اداکار کا) نام کیا ہے یا ان کے گھر میں کون ہیں۔ ہم یہ سب نہیں دیکھتے؛ ہم قومیت کو نہیں دیکھتے،‘‘ انہوں نے وضاحت کرتے ہوئے مزید کہا کہ انہوں نے احتیاط سے اس بات کو یقینی بنایا کہ کسی پاکستانی اداکار کے ساتھ کام کرنا قانونی طور پر درست ہے، ’’میں نے صرف ایک چیز کی جانچ کی کہ آیا مجھے مذکورہ قومیت میں سے کسی کے ساتھ کام کرنے کی اجازت ہے۔ اور ہاں۔ ہمارا ملک اور حکومت ہمیں اجازت دیتی ہے۔

یہ بھی پڑھئے: سوکیش چندرشیکھر نے جیکلین فرنانڈیز کیلئے ہالی ووڈ میں اسٹوڈیو بنانے کا منصوبہ بنایا تھا

آرتی ایس باگدی کی ہدایتکاری میں بننے والی ’’عبیر گلال‘‘ ایک رومانوی فلم ہے جس میں فواد اور وانی مرکزی کردار میں ہیں۔ فلم، جو فی الحال پروڈکشن میں ہے ۲۰۲۵ء کے موسم گرما میں ریلیز ہوگی۔ دریں اثنا، ’دی سابرمتی رپورٹ‘، جو ۲۰۰۲ء کے گودھرا ٹرین آتشزدگی کے واقعے پر مبنی ہے اور اس میں ریدھی کے ساتھ وکرانت ماسی اور راشی کھنہ نے اداکاری کی ہے، جو اس جمعہ (۱۵؍ نومبر ۲۰۲۴ء) کو سینما گھروں میں نمائش کیلئے تیار ہے۔