جنوبی ہند کی فلموں کے معروف ہدایت کار ایٹلی، رجنی کانت اور سلمان خان کے ساتھ فلم بنائیں گے۔

جنوبی ہند کی فلموں کے معروف ہدایت کار ایٹلی، رجنی کانت اور سلمان خان کے ساتھ فلم بنائیں گے۔ ۲۰۲۳ءمیں ایٹلی نے شاہ رخ خان کے ساتھ سپر ہٹ فلم ’جوان‘ بنائی تھی۔ ’ ایٹلی‘ نے اپنی آنے والی فلم کی تیاریاں شروع کر دی ہیں۔ ذرائع کے حوالے سےکہا جا رہا ہے کہ وہ سلمان خان اور رجنی کانت سے جلد ہی اس فلم کے سلسلے میں ملاقات کرسکتے ہیں۔ یہ فلم سن پکچرز پروڈیوس کرے گی۔ ایٹلی گزشتہ۲؍ سال سے سلمان خان سے رابطے میں ہیں۔ کہا جا رہا ہے کہ سلمان خان اپنی فلم’ سکندر‘ کی شوٹنگ مکمل کرنے کے بعد ایٹلی کی فلم کی شوٹنگ شروع کریں گے۔ رجنی کانت بھی فلم قلی میں مصروف ہیں۔ وہ قلی کے بعد ا یٹلی کو شوٹنگ کی تاریخیں بتائیں گے۔