ہندوستان ہی نہیں بلکہ پوری دنیا میں اپنی آواز کا جادو بکھیرنے والے محمد رفیع کو اس دنیا سے کوچ کئے ہوئے ۴۴؍سال کا عرصہ گزر گیا ہے۔

 ہندوستان ہی نہیں بلکہ پوری دنیا میں اپنی آواز کا جادو بکھیرنے والے محمد رفیع کو اس دنیا سے کوچ کئے ہوئے ۴۴؍سال کا عرصہ گزر گیا ہے۔ آج بھی ان کے مداحوں کی تعداد میں کسی قسم کی کوئی کمی واقع نہیں ہوئی ہے۔ محمد رفیع کی پیدائش۲۴؍دسمبر۱۹۲۴ء پنجاب کے کوٹلا سلطان پور میں ہوئی تھی جبکہ ان کا انتقال ۳۱؍جولائی ۱۹۸۰ء میں ۵۵؍ سال کی عمر میں ہوا تھا۔

یہ بھی پڑھئے:رفیع صاحب کے گھر پر بنےمیوزیم میں روزانہ متعدد مداح خراج عقیدت پیش کرنے آتے ہیں

 محمد رفیع نے ہزاروں گانے گائے اور سیکڑوں اداکاروں کی آواز بنے۔اپنے کریئر میں انہوںنے ایک سے بڑھ کر ایک نغموں کو آواز دی اور کئی ایوارڈس بھی حاصل کئے۔محمد رفیع کو ایک دو نہیں بلکہ ۶؍مرتبہ فلم فیئرکے بہترین گلوکار کے ایوارڈس سے نوازا گیا تھا۔
 اس کے علاوہ بنگال فلم جرنلسٹ  اسوسی ایشن(بی ایف جے اے) نے بھی انہیں ایوارڈس سے نوازا ۔ انہیں ایک مرتبہ نیشنل فلم ایوارڈ بھی دیا گیا تھا۔۱۹۶۷ء میں انہیں پدم شری اعزاز سے نوازا گیا۔