بالی ووڈ سپر اسٹار اور یوتھ آئیکون آیوشمان کھرانہ نے حال ہی میں ایک ایوارڈ شومیں ہندوستان کے پیرا لمپک ایتھلیٹس اور گولڈ میڈلسٹ اونی لیکھارا اور نودیپ سنگھ سے ملاقات کی۔

بالی ووڈ سپر اسٹار اور یوتھ آئیکون آیوشمان کھرانہ نے حال ہی میں ایک ایوارڈ شومیں ہندوستان کے پیرا لمپک ایتھلیٹس اور گولڈ میڈلسٹ اونی لیکھارا اور نودیپ سنگھ سے ملاقات کی۔ دو بار گولڈ میڈل جیتنے والی اونی لیکھارا نے جب اپنا ایوارڈ وصول کیا اور سامعین میں آیوشمان کھرانہ کو دیکھاتو وہ خود کو روک نہ سکیں اور ان سے اپنی ایک نظم سنانے کی درخواست کی۔ اونی لیکھارا اور نودیپ سنگھ کے ساتھ اسٹیج پر آتے ہوئے آیوشمان نے کہا، آپ دونوں سچے لیجنڈ ہیں۔ آپ نے اپنی زندگیوں میں جو کچھ دیکھا ہے اور جو کچھ حاصل کیا ہے وہ بہت بڑی کامیابی ہے۔ ہمیں حوصلہ دینے کے لیے شکریہ۔ ایونی کی درخواست پر خوشی سے اتفاق کرتے ہوئے، آیوشمان نے پیرا اولمپک جیتنے والوں کے لیے اپنی ایک نظم سنائی۔ آیوشمان کی یہ دل کو چھونے والی نظم ہمارے پیرا لمپک جیتنے والوں کی کامیابیوں کی صحیح عکاسی کرتی ہے، جنہوں نے مشکلات اور جدوجہد کے درمیان اپنے ملک کو عزت بخشی۔ ان کی مثبت سوچ اور عزم اس نظم میں پوری طرح جھلکتا ہے۔