اگر آپ فلمی دنیا میں تھوڑا سا فلیش بیک میںجائیں تو بالی ووڈ اداکار سلمان خان کی فلم ’بجرنگی بھائی جان‘میں’منّی‘ کا کردار ادا کرنے والی ہرشالی ملہوتراان دنوں اپنےحیرت انگیز ویڈیوز شیئر کرکے سرخیوں میں اپنے لئے کافی جگہ بنا رہی ہیں۔

اگر آپ فلمی دنیا میں تھوڑا سا فلیش بیک میں جائیں تو بالی ووڈ اداکار سلمان خان کی فلم ’بجرنگی بھائی جان‘میں’منّی‘ کا کردار ادا کرنے والی ہرشالی ملہوتراان دنوں اپنےحیرت انگیز ویڈیوز شیئر کرکے سرخیوں میں اپنے لئے کافی جگہ بنا رہی ہیں۔ جیسے ہی ہرشالی کی ویڈیوز شیئر ہوتےہیں، وہ سوشل میڈیاپر وائرل ہوجاتےہیں۔ مداحوں کے ساتھ مشہور افراد بھی ان کی ویڈیوز کوپسندکرتےہیں۔ ہرشالی ملہوترا کے سوشل میڈیاپر مداحوں کی اچھی خاصی تعداد موجود ہے۔اسی کے ساتھ ہرشالی کا ایک ڈانس ویڈیو منظرعام پر آیاہے ، جسے ان کے مداح پسند کررہے ہیں۔ اس ویڈیو میں دیکھا جاسکتا ہے کہ ہرشالی ملہوترا  دیسی حلیہ میں نظرآرہی ہیں۔انہوںنےسرخ اور کریم رنگ کا سوٹ پہناہوا ہے۔ وہ سنیدھی چوہان کے گانے’سجنا وے سجنا‘پرحیرت انگیز ڈانس کرتی نظر آرہی ہیں۔  مداح ان کے رقص کے اسٹیپس کے ساتھ ہی ان کی سادگی کی بھی تعریف کررہےہیں۔ اس ویڈیو کو اب تک۱۰ء۳؍ ملین بار دیکھاجاچکاہے۔ ایک صارف نےویڈیو پر تبصرہ کرتے ہوئے لکھا’’اگلی سپراسٹار یہی ہے۔‘‘وہیں ایک اور صارف نے لکھا ہے ’’پریکٹس کرو اس سےبھی بہتر کام کرپائوگی ۔‘‘اس ویڈیو کو شیئر کرنے کےساتھ ہی ہرشالی نے کیپشن دیا ہے -’’ تجھے بھرلوں اپن آنکھوں میں۔‘‘ اس کے ساتھ انہوں نے ایموجیز بھی شیئر کئے ہیں۔ اس سے قبل سلمان خان کی تازہ ترین ریلیز ہونے والی فلم ’رادھے‘ کے گانے’سیٹی مار‘پرہرشالی ملہوترا کا ڈانس بہت پسند کیا گیا تھا۔ اس گانے پر وہ جم کر تھرکتی ہوئی نظر آئی تھیں۔واضح رہے کہ فلم بجرنگی بھائی جان میں،مداحوںنےان کےمنی‘کے کردار کو کافی پسندکیا تھا۔ ایسےمیں وہ ہرشالی کو ایک بار پھر بڑے پردے پر دیکھنے کے لئے بے چین ہیں۔