جنوبی ہندکی فلموں کے سپراسٹار چرنجیوی کا نام گنیز بک آف ورلڈ ریکارڈ میں درج کیا گیا ہے۔ چرنجیوی اب گنیز ورلڈ ریکارڈ ہولڈربن گئے ہیں۔

جنوبی ہندکی فلموں کے سپراسٹار چرنجیوی کا نام گنیز بک آف ورلڈ ریکارڈ میں درج کیا گیا ہے۔چرنجیوی اب گنیز ورلڈ ریکارڈ ہولڈربن گئے ہیں۔ چرنجیوی کو یہ اعزاز ۴۵؍ برسوں میں اپنی ۱۵۶؍ فلموں کے ۵۳۷؍ گانوں میں ۲۴؍ہزارڈانس موو کرنے پر ملا۔ ۱۹۷۸ءمیں آج ہی کے دن سپر اسٹار چرنجیوی نے ہندوستانی فلم انڈسٹری میں اپنے فلمی کریئر کا آغاز کیا تھا۔ عامر خان نے چرنجیوی کو یہ اعزاز دیا۔ اس موقع پر عامر خان نے کہاکہ `یہاں آنا میرے لیے خوشی اور اعزاز کی بات ہے۔ میں بہت خوش ہوں کہ چرنجیوی گارو کو یہ اعزاز دیا گیا ہے۔ چرنجیوی نے کہا کہ انہوں نے کبھی نہیں سوچا تھاکہ وہ گنیز ورلڈ ریکارڈ ہولڈر بن جائیں گے۔ انہوں نے حاضرین کا شکریہ ادا کیا۔