پرائم ویڈیو نے اعلان کیا ہے کہ ’’سیٹاڈیل ہنی بنی‘‘ اپنی ریلیز کے بعد ہفتے کے آخر میں سب سے زیادہ دیکھی جانے والی سیریز تھی۔ خیال رہے کہ اس سیریز میں ورون دھون اور سمانتا پربھو نے اداکاری کے فرائض انجام دیئے ہیں۔

پرائم ویڈیو نے اعلان کیا ہے کہ ’’راج اور ڈی کے کی ہدایتکاری میں بنی فلم ’’سیٹاڈیل ہنی بنی‘‘اپنی ریلیز کے بعد لانچ ویک اینڈ (ریلیز کے بعد ہفتے کے آخر) میں سب سے زیادہ دیکھی جانے والی سیریز تھی اور فی الحال یہ عالی سطح پر پہلے نمبر پر ٹرینڈ کر رہی ہے۔ خیال رہے کہ اس سیریز میں ورون دھون اور سمانتا پرھو نے کلیدی کردار ادا کیا ہے۔ پرائم ویڈیو انڈیا نے اپنے پوسٹ میں سیریز کے پوسٹر کے ساتھ لکھا ہے کہ ’’اس سیریز نے ثابت کر دیا ہے کہ یہ ریکارڈ توڑ سکتی ہے۔‘‘

یہ بھی پڑھئے: سیٹاڈل ہنی بنی: امریکی سیریزسیٹاڈل کا ہندوستانی ورژن

پرائم ویڈیو انڈیا کے پوسٹ ڈالنے کے بعد صارفین نے کمینٹ کئے۔ ایک صارف نے لکھا ’’سیٹاڈیل کی ٹیم کو مبارکباد۔‘‘فلم ساز زویا اختر نے بھی کمینٹ سیکشن میں مبارکباد دی۔ سیٹاڈیل ہنی عالمی سطح پر کامیاب سیریز ’’سیٹاڈیل‘‘ کا پریکوئل ہے۔ خیال رہے کہ سیٹاڈیل سیریز میںریچارڈ میڈن اور پرینکا چوپڑہ نے اداکاری کی ہے۔ سیٹاڈیل میں کاشوی مجمدار نے ورون دھون اور سمانتا پربھو کی بیٹی ’’ناڈیا‘‘ کا کردار ادا کیا ہے جو سیٹاڈیل سیریز میں پرینکا چوپڑہ کی شکل میں بڑی ہوتی ہیں۔ اس سیریز کو ڈی ۲؍ آر ، امیزون ایم جی ایم اسٹوڈیو اور روسو بردرس اے جی بی او نے پروڈیوس کیا ہے۔ ورون دھون اور سمانتا پربھو کے علاوہ سمرن، ثاقب سلیم، شکندر کھیر، سوہم مجمدار اور کاشوی نے اداکاری کی ہے۔