دادر، ممبئی میں معروف اداکارہ شلپا شیٹی کے ریستوراں ’’باستیان‘‘ کے پارکنگ کے حصے سے باندرہ کے ایک بزنس مین روحان خان کی بی ڈیم ڈبلیو چوری ہونے کے بعد شیواجی پارک پولیس نے تفتیش شروع کی ہے۔ روحان خان نے ریستوراں کی سیکوریٹی پر تشویش کا اظہار کیا۔

دادر، ممبئی میں معروف اداکارہ شلپا شیٹی کے ریستوراں ’’باستیان ‘‘کے پارکنگ کے حصے  سے۸۰؍ لاکھ روپے کی بی ڈیم ڈبلیو چوری ہوگئی ہے۔ کار کے مالک،باندرہ، ممبئی کے بزنس مین روحان خان ہیں، نے چور کو اس وقت دیکھا تھا جب وہ ریستوراں سے باہر نکل رہا تھا اور انہوں نے شیواجی پارک پولیس اسٹیشن، ممبئی میں شکایت درج کروائی ہے۔ یہ واقعہ صبح ۲؍بجے کے قریب اس وقت پیش آیا تھا جب روحان خان اپنے دوستوں کے ساتھ ریستوراں پہنچا تھا۔ روحان خان نے اپنی کار کی چابیاں اپنے ملازم کو دی تھیں۔ ان کے ملازم نے کار تہہ خانے میں پارک کی تھی کیونکہ انہیں لگا تھاکہ کار یہاں محفوظ ہے۔

#Bastian Famous #celebrity club in dadar from where BMW car was stolen from valet parking of club at around 2am midnight on 27th Oct despite of #Election Achar sanhita assembly elections how come club was open till late night at 4 am. @MumbaiPolice @CPMumbaiPolice @ECISVEEP pic.twitter.com/4vWy2Cz8JI

— bandranews_com (@bandranews_com) October 28, 2024

سی سی ٹی وی تصاویر میں یہ انکشاف ہوا ہے کہ ملازم کے پارکنگ کی جگہ سے نکلنے کے کچھ منٹ بعد ۲؍ افراد جیپ کمپاس میں داخل ہوئے تھے۔ انہوں نے ہیکنگ کی ایڈوانسڈ تکنیکوں کا استعمال کر کے بی ایم ڈبلیو کو کھولا اور پھر وہ اسے چوری کر کے لے گئے۔ صبح کے ۴؍ بجے جب ریستوراں بند کرنے کا وقت ہوا تو روحان خان نے اپنے ملازم سے کہا کہ وہ کار پارکنگ سے باہر لے آئےجس کے بعد انہیں یہ معلوم ہوا کہ ان کی کار چوری ہوچکی ہے۔ ایک اہلکار نے بتایا کہ ’’یہ جاننے کے بعد کہ کار پارکنگ کی جگہ سے غائب ہوچکی ہے روحان حیرت زدہ ہوگئے تھے۔ ‘‘

یہ بھی پڑھئے: مالیگاؤں سینٹرل اسمبلی حلقے میں چہار رُخی مقابلے کے واضح آثار

ریستواں کے عملے کے سی سی ٹی وی تصاویر کا جائزہ لینے کی درخواست کے بعد یہ تصدیق کی گئی کہ چند اجنبی افراد کار چوری کر کے لے گئے ہیں۔دریافت کے بعد روحان خان نے شیواجی پارک پولیس  میں شکایت درج کروائی تھی۔ پولیس نے کہا کہ ہم نے سی سی ٹی وی تصاویر دیکھنے کے بعد تفتیش شروع کی ہے۔ حکام کار کی نقل و حمل اور ملزمین کی شناخت کیلئے علاقے کی سی سی ٹی وی تصاویر دیکھ رہے ہیں۔ تاہم، بھارتیہ نیائے سنہتاایکٹ کے سیکشن ۳۰۳(۲) کے تحت شکایت درج کی جاچکی ہے۔ روحان خان نے تشویش کا اظہار کرتے ہوئے ریستوراں کے پارکنگ والے حصے میں سیکوریٹی کی حالت پر سوال قائم کیااور کہا کہ حفاظتی اقدامات کئے جانے ضروری ہیں۔