اتوار کو ختم ہونے والے اپنے تیسرے ویک اینڈ پر راین رینالڈس اور ہیو جیک مین کی فلم ’’ڈیڈپول اینڈ وولورین‘‘ نے عالمی باکس آفس پر صرف ۱۸؍ دنوں میں ایک بلین ڈالر کا ہندسہ پار کرلیا ہے۔ ۲۰۲۴ء میں ایسا کرنے والی یہ دوسری فلم ہے۔ اس سے قبل ’’انسائیڈ آؤٹ ۲‘‘ نے ۱۹؍ دنوں میں ایک بلین ڈالر کا ہندسہ عبور کیا تھا۔ دلچسپ بات یہ ہے کہ دونوں ہی فلمیں ڈزنی کی ہیں۔

راین رینالڈس اور ہیو جیک مین کی ’’ڈیڈ پول اینڈ وولورین‘‘ نے عالمی باکس آفس پر ایک بلین ڈالرز (۸۳؍ ارب روپے سے زائد) کا ہندسہ پار کرلیا ہے۔ مارول اسٹوڈیو نے یہ خبراپنے سوشل میڈیا پر ایک مختصر ویڈیو کے ذریعے شیئر کی۔ مارول اور ڈزرنی کے اشتراک والی اس فلم نے ۱۱؍ اگست تک ۰۲۹ء۱؍ بلین ڈالرز کی کمائی کی تھی۔ شمالی امریکہ میں اس نے ۳ء۴۹۴؍ ملین ڈالر اور عالمی سطح پر ۲ء۵۳۵؍ ملین ڈالر کا کاروبار کیا ہے۔ 

That`s billion with a B. #DeadpoolandWolverine ❤️💛 pic.twitter.com/aglX6MqWMj

— Marvel Studios (@MarvelStudios) August 11, 2024

خیال رہے کہ ’’ڈیڈپول اینڈ وولورین‘‘ ۵۵؍ ویں ایسی فلم ہے جس نے عالمی سطح پرایک بلین ڈالر کا ہندسہ پار کیا ہے۔ علاوہ ازیں، یہ ۸؍ ویں ایسی فلم ہے جس نے تیزی سے (صرف ۱۸؍ دن میں) یہ ہندسہ عبور کیا ہے۔ ہندوستان میں اس فلم نے تقریباً ۱۳۰؍ کروڑ روپے کا کاروبار کیا ہے۔ پہلے ہفتے میں اس نے ۹ء۹۸؍ کروڑ روپے کمائے تھے جبکہ دوسرے ہفتے میں اس نے ۹ء۲۷؍ کا کاروبار کیا تھا۔ تیسرے ہفتے میں اس کا کلیکشن ۱۸ء۹؍ کروڑ روپے رہا تھا۔ ’’آر‘‘ سرٹیفکیٹ والی یہ ایسی دوسری فلم ہے جس نے سب سے زیادہ کاروبار کیا ہے۔ پہلی فلم ’’جوکر‘‘ تھی۔ ’’ڈیڈ پول اینڈ وولورین‘‘ ڈزنی کی دوسری ایسی فلم ہے جس نے ۲۰۲۴ء میں ایک بلین ڈالر کا ہندسہ پار کیا ہے۔ اس سے قبل ’’انسائیڈ آؤٹ ۲‘‘ نے ۱۹؍ دنوں میں ایک بلین کا ہندسہ پار کیا تھا۔ ڈزنی ہالی ووڈ کا واحد ایسا اسٹوڈیو بن گیا ہے جس نے ایک سال میں ایک بلین ڈالر پار کرنے والی ۲؍ فلمیں ریلیز کی ہیں۔