پنجابی میوزک اسٹار دلجیت دوسانجھ اس وقت ’’دل لومیناٹی ٹور‘‘ پر ہیں اور ملک کے ۱۰؍ شہروں میں پرفارم کریں گے۔ دلچسپ بات یہ ہے کہ ان کے کنسرٹ کے تمام ٹکٹ منٹوں ہی میں فروخت ہوگئے جس سے وہ مداح صدمے کی کیفیت میں ہیں، جو ٹکٹ نہیں خرید سکے۔

پنجابی میوزک اسٹار دلجیت دوسانجھ نے عالمی آئیکون کا درجہ حاصل کرلیا ہے۔ شمالی امریکہ، آسٹریلیا اور نیوزی لینڈ میں اپنے بلاک بسٹر شو کے بعد انہوں نے حال ہی میں اعلان کیا تھا کہ وہ ’’دل لومیناٹی ٹور‘‘ کے ساتھ ہندوستان میں بھی پرفارم کریں گے۔ ان کا یہ دورہ ملک کے ۱۰؍ شہروں میں ہوگا جو ۲۶؍ اکتوبر کو دہلی سے شروع اور ۲۹؍ دسمبر کو گوہاٹی میں ختم ہوگا۔ دلجیت کے ہندوستان کے دورے سے پہلے ہی ان کے ہندوستانی شائقین اور مداح پرجوش ہیں جس کا ثبوت ان کے کنسرٹ کے تیزی سے فروخت ہونے والے ٹکٹ ہیں۔ 

DIL-Luminati Tour Year 24🪷

Pre-Sale TOMORROW 12pm GMT 🇬🇧🇪🇺https://t.co/pCIg19vSih pic.twitter.com/Fitn5jozzm

— DILJIT DOSANJH (@diljitdosanjh) July 30, 2024

آج، جمعرات، ۱۲؍ ستمبر کو، ان کے کنسرٹ کے ٹکٹ زوماٹو پر دوپہر ایک بجے فروخت ہونا شروع ہوئے، اور چند ہی منٹوں میں تمام ٹکٹ ختم ہوگئے۔ اس کے بعد سے کئی مداح صدمے کی کیفیت سے دوچار ہیں۔ دہلی میں ٹکٹ کے صرف دو زمرے دستیاب تھے: فین پٹ (جس کی قیمت ۱۹؍ ہزار ۹۹۹؍ روپے تھی)، گولڈ (فیز ۳، جس کی قیمت ۱۲؍ ہزار ۹۹۹؍ روپے تھی)۔ این ڈی ٹی وی کے ساتھ ایک انٹرویو میں، دلجیت دوسانجھ کے کنسرٹ آرگنائزر اور ساریگاما انڈیا لمیٹڈ کے بزنس ہیڈ جانم جے سہگل نے انکشاف کیا کہ ۵ء۱؍ لاکھ ٹکٹ پہلے ہی فروخت ہو چکے ہیں۔ انہوں نے کہا کہ مداحوں کی جانب سے اس قسم کا رد عمل بین الاقوامی فنکاروں کیلئے بھی نہیں ہوتا۔ دلجیت دوسانجھ کے کنسرٹ کے ٹکٹ اتنی تیزی سے فروخت ہوتے ہیں کہ ہم حیران رہ جاتے ہیں۔ ان کی شہرت بے مثال ہے۔‘‘

3-4 hours later, I realized that I had spent 87,640 rupees on Diljit Dosanjh`s "Dil Luminati" tour concert in India. pic.twitter.com/RFd0GdZdGX

— Amit Behal (@amitbehalll) September 12, 2024

خیال رہے کہ پری سیل کے پہلے دن، فی منٹ ۸؍ سے ۱۰؍ ہزار ٹرانزیکشنز ہوئے اور ۱۵؍ منٹ میں ایک لاکھ ٹکٹ فروخت ہوگئے۔ منگل ، یعنی ۱۰؍ ستمبر کو ان کے کنسرٹ کے تمام ٹکٹ صرف ۲؍ منٹ میں فروخت ہوگئے تھے۔ دریں اثنا، کام کے محاذ پر، دلجیت، جنہوں نے امتیاز علی کی نیٹ فلکس فلم میں امر سنگھ چمکیلا کے کردار کیلئے کافی پذیرائی حاصل کی، اب ’’بارڈر ۲‘‘ کی کاسٹ میں شامل ہو گئے ہیں۔