سینئر بالی ووڈ اداکارہ ڈمپل کپاڈیا نے فلم میں خفیہ ایجنسی را کی ایجنٹ بننے کے لیے ہامی بھرلی۔

سینئر بالی ووڈ اداکارہ ڈمپل کپاڈیا نے فلم میں خفیہ ایجنسی را کی ایجنٹ بننے کے لیے ہامی بھرلی۔ ڈمپل کپاڈیا کو کنگ خان کی آنے والی فلم ’پٹھان‘ کے لیے کاسٹ کیا گیا ہے۔ کہا جا رہا ہے کہ اداکارہ کو فلم کا اسکرپٹ اتنا پسند آیا کہ انہوں نے فوری طور پر ہامی بھرلی۔ ڈمپل کباڑیا فلم میں خفیہ ایجنسی ’را‘ کے ایجنٹ کا کردار ادا کریں گی اور وہ فلم میں شاہ رخ خان کے خفیہ مشن میں اُن کی مدد کرتی ہوئی نظر آئیں گی۔ فلم کی شوٹنگ تو پہلے ہی جاری ہے اب ڈمپل کپاڈیا کی شوٹنگ کا شیڈول بھی جاری کردیا گیا ہے جوکہ۲۰؍ روز پر مشتمل ہے۔ واضح رہے کہ سدھارتھ آنند کی ہدایت کاری میں بننے والی فلم ’پٹھان‘ میں شاہ رخ خان مرکزی کردار ادا کر رہے ہیں ۔ اُن کے ہمراہ دپیکا پڈوکون اور جان ابراہم بھی اداکاری کے جوہر دکھاتے نظر آئیں گے۔