نیٹ فلکس کی ملی بوبی براؤن کی اداکاری والی ’’اینولا ہومز ۳‘‘ کا باقاعدہ اعلان کیا گیا ہے۔ اس کی کہانی ’’ہیری پوٹر‘‘ سیریز کی تیسری فلم سے متاثر ہوکر لکھی گئی ہے۔

شرلاک ہومز کی باصلاحیت چھوٹی بہن اینولا ہومز کی فلم نے نیٹ فلکس پر شاندار کامیابی حاصل کی تھی۔ اس فلم میں وکٹورین لندن دکھایا گیا ہے۔ نینسی اسپرنگر کی کتاب پر مبنی اس فلم میں ملی بوبی براؤن نے اینولا ہومز کا کردار ادا کیا ہے جبکہ ہنری کیول نے ان کے بڑے بھائی شرلاک ہومز کا۔ ’’اینولا ہومز‘‘ کے بعد ’’اینولا ہومز ۲‘‘ ریلیز ہوئی اور اب نیٹ فلکس نے ’’اینولا ہومز ۳‘‘ کا اعلان کیا ہے۔ نیٹ فلکس نے یہ بھی بتایا کہ یہ فلم ’’ہیری پوٹر‘‘ فلم سیریز سے متاثر ہوکر لکھی گئی ہے۔ فلم کے ہدایتکار فلپ بارینٹینی نے انکشاف کیا کہ ’’اینولا ہومز ۳‘‘ کیلئے ’’ہیری پوٹر اینڈ پرزنر آف ازکابان‘‘ سے متاثر ہو کر ایک جرات مندانہ انداز تجویز کیا۔ 

‘ENOLA HOLMES 3’ is moving forward at Netflix.

Philip Barantini will direct the film with a take described as having a darker tone & skewing a little older.

(Source: Deadline) pic.twitter.com/OdNUe23iZU

— DiscussingFilm (@DiscussingFilm) November 21, 2024

خیال رہے کہ یہ ’’ہیری پوٹر‘‘ سیریز کی تیسری فلم ہے جس میں کئی پرتین ہیں۔ اس لئے اینولا ہومز میں بھی ایسی ہی پیچیدگیوں کی توقع کی جارہی ہے، جنہیں اینولا بطور جاسوس سلجھائیں گی۔ اس فلم کی شوٹنگ ۲۰۲۵ء میں شروع ہوگی۔