بالی ووڈ کے مشہور اداکار شاہ رخ خان کی۵۹؍ویں سالگرہ کے موقع پر آنے والے شو ’فوجی۲‘ کا ٹریلر جاری کر دیا گیا۔ اس شو میں گوہر خان، وکی جین اور کئی نئے فنکار نظر آئیں گے۔ یہ شو۱۸؍ نومبر سے ہر پیر تا جمعرات رات۹؍ بجے دوردرشن پر نشر ہوگا۔

بالی ووڈ کے مشہور اداکار شاہ رخ خان کی۵۹؍ویں سالگرہ کے موقع پر آنے والے شو ’فوجی۲‘ کا ٹریلر جاری کر دیا گیا۔ اس شو میں گوہر خان، وکی جین اور کئی نئے فنکار نظر آئیں گے۔ ٹریلر کے آغاز میں اداکارہ گوہر خان سائیکل چلاتی نظر آ رہی ہیں۔ اس کے بعد، ٹریلر میں فوجیوں کو مختلف کھیلوں جیسے باکسنگ، سوئمنگ، ہیوی جم ورزش اور بائیک ریسنگ میں حصہ لیتے ہوئے دکھایا گیا ہے۔ اس میں ہر سپاہی کی مہارت دکھائی گئی ہے۔ اس شو کو شاہ رخ خان کے اصل شو ؔ’فوجی‘ کا سیکوئل مانا جا رہا ہے۔ ’فوجی‘ کے ذریعے ہی مشہور بالی ووڈ اداکار شاہ رخ خان نے انٹرٹینمنٹ کے میدان میں قدم رکھا تھا۔ 
شو کے بارے میں بات کرتے ہوئے گوہر خان کا کہنا تھا کہ ہمارے دور کے مشہور شوز میں سے ایک تخلیق کرنے کیلئے ایسی تخلیقی ٹیم کے ساتھ کام کرنے سے زیادہ کچھ خاص نہیں ہو سکتا جس نے بہت سے لوگوں کے دلوں کو چھو لیا ہے۔ ہم سب یہ دیکھنے کیلئے انتظار نہیں کر سکتے کہ اس بار ہم نے کیا نیا کیا ہے، اس لئے یہ ہماری ذمہ داری ہے کہ ہم اس شو کی وراثت کو برقرار رکھیں جو ہر کسی کے دلوں میں اپنی جگہ رکھتا ہے۔ دوردرشن کے سی ای او گورو دویدی نے کہا کہ فوجی اپنے وقت کے سب سے کامیاب سیریلز میں سے ایک تھا جو آج بھی ناظرین کے دلوں کو چھوتا ہے۔ جب ہمیں `فوجی ۲؍ کا ملا تو ہم اس کے بارے میں بہت پرجوش تھے کیونکہ یہ ہم نے اس کیلئے قطعی طور پر ہاں کر دی تھی، ہم ’فوجی‘ کے اس نئے ورژن کے ساتھ ایک بار پھر سب کو یہ تجربہ دینے کیلئے بے چین ہیں۔ یاد رہے کہ یہ شو۱۸؍ نومبر سے ہر پیر تا جمعرات رات۹؍ بجے دوردرشن پر نشر ہوگا۔