فلمساز و اداکار شیکھر کپور نے بھی شاہ رخ خان کی فلمی شائقین میں زبردست مقبولیت کا اعتراف کرلیا

فلمساز و اداکار شیکھر کپور نے بھی شاہ رخ خان کی فلمی شائقین میں زبردست مقبولیت کا اعتراف کرلیا۔شیکھر کپورنے ٹویٹر پر لکھا کہ لندن میں لیسٹر اسکوائر میں فلم ’جوان‘ دیکھتے ہوئے شاہ رخ خان کے اسکرین پر نظر آتے ہی ایک مداح نے کھڑے ہوکر زور سے کہا کہ’’اگر یہ آدمی اسکرین پر ٹیلی فون ڈائریکٹری بھی پڑھ لے تو میں اسے دیکھ کر خوش ہو جاؤں گا۔‘‘

شاہ رخ خان کی فلم ’جوان‘ پہلی ہندوستانی فلم ہے جو جرمنی کے باکس آفس پر سرفہرست آچکی ہے۔بدھ کو جرمن باکس آفس میں ’جوان‘ نے۹۷؍ ہزار یورو کا بزنس کرکے ہالی ووڈ فلم ’دی ایکوالائزر ۳‘ کو پیچھے چھوڑ دیا جس نے۹۳؍ ہزار یورو کا کاروبار کیا تھا۔گزشتہ جمعرات کو ’جوان‘ نے آسٹریلیا کے باکس آفس پر سرفہرست آنے والی پہلی انڈین فلم کا اعزاز حاصل کیا تھا۔