دھرما پروڈکشن کے مالک کرن جوہر نے اپنی نئی رومانوی کامیڈی فلم ’’چاند میرا دل‘‘ کا پوسٹر جاری کیا ہے جس میں اننیا پانڈے اور لکشیا مرکزی کردار میں ہیں۔

صنعتکار ادار پونا والا کے کرن جوہر کے دھرما پروڈکشن میں ۵۰؍ فیصد حصص خریدنے کے چند ہفتوں بعد پروڈکشن ہاؤس نے اپنی نئی رومانوی کامیڈی فلم ’’چاند میرا دل‘‘ کا اعلان کیا ہے۔ ’’میناکشی سندریشور‘‘ سے شہرت حاصل کرنے والے وویک سونی اس کی ہدایتکاری کے فرائض انجام دیں گے جبکہ اننیا پانڈے اور لکشیا مرکزی کردار میں نظر آئیں گے۔ یہ فلم لکشیا کی پہلی ایسی فلم ہوگی جس میں وہ مرکزی کردار ادا کریں گے۔ اس سے قبل وہ ’’کِل‘‘ میں نظر آئے تھے اور اسی فلم سے بالی ووڈ میں اپنے کریئر کا آغاز کیا تھا۔ 

Pyaar mein thoda paagal hona hi padta hai...🫶🏻🤭

Chand Mera Dil, starring Ananya Panday & Lakshya.
Directed by Vivek Soni. Coming to cinemas in 2025.#ChandMeraDil @ananyapanday @lakshya @karanjohar @adarpoonawalla @apoorva1972 @somenmishra @VivekSonni @marijkedesouza… pic.twitter.com/sD7fNKTHid

— INOX Movies (@INOXMovies) November 7, 2024

فلم کا پہلا پوسٹر جاری کرتے ہوئے کرن جوہر نے انسٹاگرام پر پوسٹ کیا کہ ’’ہمارے پاس دو چاند ہیں جو ایک شدید اور پرجوش محبت کی کہانی کیلئے تیار ہیں جیسا کہ کوئی اور نہیں! پیار میں تھوڑا پاگل ہونا ہی پڑتا ہے۔ چاند میرا دل، اننیا پانڈے اور لکشیا۔ وویک سونی کی ہدایتکاری میں ۲۰۲۵ء میں سینما گھروں میں ریلیز ہوگی۔ خیال رہے کہ فلم کی ریلیز کی حتمی تاریخ کا اعلان نہیں کیا گیا ہے۔