ہندی فلم انڈسٹری کے کامیاب ہدایتکار وشال بھاردواج کے فرزند آسمان بھاردواج نے ہدایتکاری کے میدان میں قدم رکھ دیا ہے

ہندی فلم انڈسٹری کے کامیاب ہدایتکار وشال بھاردواج کے فرزند آسمان بھاردواج نے  ہدایتکاری کے میدان میں قدم رکھ دیا ہے۔ ان کی پہلی فلم’کتے‘ تیار ہوچکی ہے اور اس کا ٹریلر بھی جاری کردیا گیا ہے۔ یہ فلم۱۳؍جنوری ۲۰۲۳ء کو سینما گھروں میں پیش کی جائے گی۔ اس کے ٹریلر لانچ کے موقع پرمعروف اداکارہ تبو نے کہا کہ ’مقبول‘ کی عکس بندی کے وقت آسمان (بھاردواج) چھوٹے بچے تھے اور سیٹ پر لکڑی کا کیمرا لےکر گھومتے تھے۔اس  تقریب کے دوران تبو نے بتایا کہ ’’فلم میں میرا کردار ابتدائی طور پر مرد اداکار کے لئے لکھا   گیا تھا، لیکن اسے میرے لئے تبدیل کیا گیا۔ ‘‘ تبو نے کہا کہ پولیس افسر کا کردار ادا کرنا مشکل ہونے کے ساتھ ساتھ بہت دلچسپ بھی تھا۔