۲۰۱۲ء میں ریلیز ہونے والی فلم ’’گینگز آف واسع پور‘‘ کا شمار انوراگ کشیپ کی بہترین فلموں میں ہوتا ہے۔ یہی نہیں اسے بالی ووڈ کی کلاسک فلموں کا درجہ حاصل ہے۔ تاہم، ۲۰۱۹ء میں انوراگ کشیپ نے کہا تھا کہ اس فلم نے ان کی زندگی برباد کردی ہے۔

انوراگ کشیپ کی ’’گینگز آف واسع پور‘‘ ۳۰؍ اگست کو تھیٹروں میں دوبارہ ریلیز ہوئی تھی۔ یہ حقیقت ہے کہ انوراگ کی اس فلم کا شمار بالی ووڈ کی بہترین فلموں میں ہوتا ہے۔ لیکن کیا آپ جانتے ہیں کہ فلم کی ریلیز کے بعد فلمساز انوراگ کشیپ نے کہا تھا کہ ان کی زندگی برباد ہو گئی؟ ۲۰۱۹ء میں انورگا کشیپ نے ٹویٹ کیا تھا کہ ’’لوگ `واسع پور کے ریلیز ہونے کے بعد ان سے اسی قسم کی فلمیں بنانے کی توقع کرنے لگے ہیں۔ سات سال پہلے کی بات ہے جب اسی دن میری زندگی برباد ہو گئی تھی۔ تب سے اب تک ہر کوئی چاہتا ہے کہ میں بار بار ایک ہی کام کروں، جبکہ میں اس سے دور ہونے کی ناکام کوشش کر رہا ہوں۔ بہرحال، مجھے امید ہے کہ یہ ساڑھے ساتی ۲۰۱۹ء کے آخر تک ختم ہوچکی ہے۔‘‘ 

7 years back is exactly when my life got ruined. Since then all everyone wants me to do is the same thing over and over again. Whereas I have only been unsuccessfully been trying to get away from that expectation . Anyways hope that “साढ़े साती” is over by the end of 2019. https://t.co/QQ5PpGcp2E

— Anurag Kashyap (@anuragkashyap72) June 22, 2019

خیال رہے کہ انوراگ کشیپ کی ہدایت کاری میں بننے والی یہ فلم ایک حقیقی زندگی کی کہانی پر مبنی ہے جو ایک گینگسٹر کے گرد گھومتی ہے جو کوئلے کی کان کنی کے مافیا سے تصادم کرتا ہے۔ نوازالدین صدیقی، منوج باجپائی، ہما قریشی، رِچا چڈھا، اور تگمانشو دھولیا سمیت والی اس فلم کی پہلی قسط ۲۲؍ جون ۲۰۱۲ء کو ریلیز ہوئی تھی۔ خیال رہے کہ ۱۰؍ ستمبر کو انوراگ کشیپ اپنی ۵۱؍ ویں سالگرہ منائیں گے۔