لاکانو فلم فیسٹیول کے بعد شاہ رخ خان نے میڈیا سے بات چیت کے دوران کہا کہ وہ ایسے کردار پسند نہیں کرتے ہیں جو خواتین کی توہین کرتے ہیں۔ ان کا انٹرویو سوشل میڈیا پر تیزی سے وائرل ہورہا ہے اور صارفین ’’ایس آر کے‘‘ کی پذیرائی کررہے ہیں۔

شاہ رخ خان نے ۷۷؍ ویں لاکانو فلم فیسٹیول میں ’’پاردو الا کیریرا‘‘ حاصل کرنے کے بعد میڈیا سے بات چیت کے دوران اپنی زندگی، کریئر اور مستقبل کے منصوبوں کے بارے میںبتایا۔ جہاں شاہ رخ نے سہانا خان اور سوجوئے گھوش کے ساتھ فلم ’’کنگ‘‘ کی تصدیق کی، وہیں انہوں نے ’’دیوداس‘‘ پر بھی بات چیت کی جس میں ان کے ساتھ ایشوریہ رائے بچن اور مادھوری دکشت نے مرکزی کردار ادا کئے تھے۔  ’’دیوداس‘‘ کے بارے میں پوچھے جانے پر شاہ رخ نے کہا کہ ’’مَیں ایسے کردار ادا کرنا پسند نہیں کرتا جو خواتین کی توہین کرتے ہیں۔‘‘ فلم میں اپنے کردار دیو کے بارے میں بات کرتے ہوئے انہوں نے مزید کہا کہ ’’میں نہیں چاہتا تھا کہ اسے اس وجہ سے پسند کیا جائے کہ وہ ایک عورت سے نفرت کرتا ہے اور اس سے وعدہ وفا نہیں کرتا۔ میں چاہتا تھا کہ وہ ایک ایسے شخص کے طور پر سامنے آئے جس میں تھوڑی ہمت ہو۔ دیو ایسا کردار نہیں ہے جس سے آپ کو کچھ سیکھنا چاہئے البتہ سنجے لیلا بھنسالی نے بڑی خوبصورتی سے فلم بنائی ہے۔‘‘

SRK recreated his Devdas Dialogue at Locarno Film Festival. 🔥 pic.twitter.com/0N6yTixpmT

— srk_lover_vishal (@srk_lovervishal) August 12, 2024

خیال رہے کہ شاہ رخ خان نے اپنے کریئر میں ’’ڈر‘‘، ’’بازیگر‘‘، ’’فین‘‘، ’’انجام‘‘، اور ’’دیوداس‘‘ جیسی فلموں میں منفی کردار ادا کئے ہیں۔ ’’’دیوداس‘‘ کو شاہ رخ کی بہترین فلموں میں سے ایک قرار دیا جاتا ہے۔