سنیچرکو مرہوم اداکار عرفان خان کی ۵۶؍ ویں یوم پیدائش پر ان کے بیٹے اور اداکار بابِل خان نے اپنے والد کو یاد کرتے ہوئے ایک جذباتی نوٹ لکھا۔

  سنیچرکو مرہوم اداکار عرفان خان کی ۵۶؍ ویں یوم پیدائش پر ان کے بیٹے اور اداکار بابِل خان نے اپنے والد کو یاد کرتے ہوئے ایک جذباتی نوٹ لکھا۔ اپنے مرحوم والد کو یاد کرتے ہوئے بابل خان نے  انسٹاگرام پر ایک پرانی تصویر شیئر کی جس میں عرفان اپنے چھوٹے بیٹے کے ساتھ پُر سکون لمحات گزارتے نظر آرہے ہیں۔ بابل نے ۴؍تصاویرشیئر کیں۔ بابل خان نے تصاویر  پوسٹ کرتے ہوئے کیپشن لکھا’’  – سوالات مجھے رات کو جگاتے رہتے ہیں۔ جو میں نے اُس وقت کبھی نہیں پوچھا تھا، جو اب میں کبھی نہیں پوچھ سکتا۔ میرے سوالات مجھ تک محدود رہ گے ہیں ، اچھا میں اس کا پتہ لگا لوں گا۔ اگرچہ مجھے آپ کی ہنسی یاد آتی ہے، مجھے نہیں لگتا کہ اس کا کوئی جواب ہے۔‘‘ ہندوستان کے بہترین اداکاروں میں سے ایک، عرفان نے ۱۹۸۸ء میں آسکر کے لئے نامزد فلم’ سلام  بامبے‘سے اپنا فلمی سفر شروع کیا تھا۔  ۳۰؍ سال پر محیط کریئر میں، پدم شری ایوارڈ یافتہ اداکار نے کچھ بہترین ہندی  فلموں کے ساتھ ساتھ ہالی ووڈ فلموں میں بھی کام کیا۔ ان کے بیٹے بابِل نے ’کلا‘ سے اداکاری کی شروعات کی ہے۔ کلا ایک خواہشمند گلوکارہ اور اس کی دبنگ ماں کے درمیان ہنگامہ خیز تعلقات کے بارے میں ہے۔ فلم میں ترپتی ڈمری اور سواستیکا مکھرجی بھی ہیں۔