نیٹ فلکس نے اپنے حالیہ پوسٹ میں اعلان کیا ہے کہ ابراہیم علی خان اور خوشی کپور کی فلم ’’نادانیاں‘‘ اسی ماہ میں ریلیز ہوگی۔ تاہم، فلم کی ریلیز تاریخ کا اعلان نہیں کیا گیا ہے۔

نیٹ فلکس نے ابراہیم علی خان اور خوشی کپور کی فلم ’’نادانیاں‘‘ کا اعلان حال ہی میں کیا ہے لیکن اس کی ریلیز کی تاریخ نہیں بتائی گئی۔ تاہم، نیٹ فلکس کی ایک حالیہ پوسٹ نے شائقین کو قیاس آرائیاں کرنے پر مجبور کیا ہے کہ فلم رواں ماہ اسٹریمنگ پلیٹ فارم پر ریلیز کی جائے گی۔ نیٹ فلکس نے فروری کیلئے اپنی ریلیز کا ایک پوسٹ جاری کرتے ہوئے لکھا کہ ’’اپنے ڈبے لے لیں۔‘‘ پوسٹ میں ایسی فلمیں شامل کی گئی ہیں جو فروری ۲۰۲۵ء میں نیٹ فلکس پر ریلیز ہوگی۔ اس میں ’’دھوم دھام‘‘، ’’ڈبہ کارٹیل‘‘ اور ’’نادانیاں‘‘ کا ذکر ہے۔ تاہم، ’’نادانیاں‘‘ کی ریلیز تاریخ نہیں بتائی گئی ہے۔

⁠Get your dabbas - this month is leaving no crumbs 💥#NextOnNetflix pic.twitter.com/YoUU7aWcC2

— Netflix India (@NetflixIndia) February 15, 2025

’’نادانیاں‘‘ جنوبی دہلی کے ایک متوسط ​​طبقے کے لڑکے کی کہانی ہے جو ایک اشتعال انگیز منصوبہ بناتا ہے۔ اس ماہ کے شروع میں، فلم کا پہلا گانا ’’عشق میں‘‘، ’’نیکسٹ آن نیٹ فلکس‘‘ ایونٹ میں پیش کیا گیا۔ اس نغمے کو سچن جگر نے کمپوز کیا ہے اور امیتابھ بھٹاچاریہ نے اس کے بول لکھے ہیں۔ شونا گوتم کی فلم نیٹ فلکس پر دنیا بھر میں ریلیز کی جائے گی اور اسے دھرمیٹک انٹرٹینمنٹ نے پروڈیوس کیا ہے۔ فلم کی ریلیز کی تاریخ کا اعلان ہونا ابھی باقی ہے۔ فلم میں دیا مرزا اور سنیل شیٹی بھی اہم کرداروں میں ہیں۔