اداکارہ و گلوکارہ ایلناز نوروزی نے اداکاری کے میدان میں اپنی شناخت قائم کرلی ہے۔ حال ہی میں، انہوں نے اپنے گیت ’’جمال کدو، جمال جمالو‘‘سے انٹرنیٹ پر دھوم مچا دی تھی۔

ایلناز نوروزی کو حال ہی میں لاس اینجلس میں دیکھا گیا ہے اور ایسا لگتا ہے کہ اداکارہ بین الاقوامی اسٹیج پر کچھ بڑا منصوبہ بنا رہی ہیں۔ ذرائع کا کہنا ہے کہ ’’ایلناز لاس اینجلس میں بہت سے میوزک پروڈیوسرس سے ملاقات کر رہی ہیں۔ انہیں مشہور افراد کے ساتھ دیکھا گیا ہے اور ممکنہ طور پر وہ  اشتراک کے بارے میں  بات کر رہی ہیں۔ قیاس آرائیاں کی جا رہی ہیں کہ وہ ریحانہ کے میوزک پروڈیوسر کے ساتھ کام کر سکتی ہیں اور جلدہی  اس کا  اعلان کرسکتی ہیں۔‘‘
مزید برآں، انہوں نے اپنے انسٹاگرام پر اعلان کیا ہے کہ ایلناز مشہور گلوکار کے ساتھ ہندی میوزک انڈسٹری میں کریئر کا آغاز کرنے کیلئے  تیار ہیں اور ان سے ایک اور اعلان کی توقع کی جارہی ہیں۔  دوسری طرف  ایلناز متعدد پروجیکٹس کی شوٹنگ کر رہی ہیں، جن میں۲؍فلمیں اور ایک سیریز شامل ہے،انہوں نے اپنے میوزک کریئر میں سنجیدگی دکھائی ہے اور مستقبل میں زیادہ سنگلز ریلیز کرنے کا ارادہ رکھتی ہیں۔