کرن جوہر اور عالیہ بھٹ کی پروڈیوس کردہ ’’جگرا‘‘ ریلیز کے بعد ہی تنازعات کا شکار ہے اور اب ۶؍ دنوں بعد اس کا باکس آفس کلیکشن ظاہر کرتا ہے کہ یہ فلم بری طرح فلاپ ہوگئی ہے۔

ایک ہفتے تک تنازعات میں گھرے رہنے کے بعد عالیہ بھٹ اور ویدانگ رائنا کی فلم ’’جگرا‘‘ بالی ووڈ کی ایک فلاپ فلم کی صورت میں ابھری ہے۔ مبینہ طور پر ۸۰؍ سے ۹۰؍ کروڑ کے بجٹ سے تیار کی گئی اس فلم نے ہندوستان میں اپنی ریلیز کے ۶؍ دنوں میں صرف ۶۹ء۱۹؍ کروڑ روپے جبکہ دنیا بھر میں ۴۹ء۳۷؍ کروڑ روپے کی کمائی کی ہے۔ بالی ووڈ ہنگامہ کی طرف سے شائع ہونے والے تجارتی ماہرین کے تازہ ترین بیانات کے مطابق ’’جگرا‘‘ ایک فلاپ فلم کے طور پر ابھری ہے۔

#Jigra has underperformed in its opening weekend... The numbers should`ve been higher, much higher, especially considering that #GangubaiKathiawadi [2022] and #Raazi [2018] - both women-centric films starring #AliaBhatt - opened to significantly stronger numbers.

The issue with… pic.twitter.com/Idq2xBOGhJ

— taran adarsh (@taran_adarsh) October 14, 2024

تجارتی ماہر ترن آدرش نے کہا کہ ’’یہ عالیہ بھٹ کی ہوم پروڈکشن ہے اور اس کے علاوہ کرن جوہر بھی پروڈیوسر ہیں۔ ظاہر ہے، توقعات بہت زیادہ تھیں۔ جب کسی فلم کو قبولیت نہیں ملتی ہے، تو وہ مواد پر چلتی ہے۔ بلاشبہ، ایسے اوقات بھی ہوتے ہیں جب بعض بیرونی عوامل کام میں آتے ہیں۔ لیکن یہاں، فلم واضح طور پر نہیں چلی۔ یہاں تک کہ اسے دسہرہ پر ریلیز کیا گیا، اس کے بعد بھی۔ لہٰذا بنانے والے یہ نہیں کہہ سکتے کہ انہیں چھٹی کی ریلیز نہیں ملی یا انہیں کسی بڑی فلم سے مقابلہ کرنا پڑا۔ اسے خوب پروموٹ کیا گیا۔ابتدائی تمام عوال فلم کے حق میں تھے لیکن اس کا سنیچر کا کلیکشن جمعہ سے بھی خراب رہا۔ اس سے صاف ظاہر ہوتا ہے کہ فلم کی قسمت پر مہر لگ گئی تھی۔ ‘‘