باکس آفس پر بری طرح ناکام ہوجانے والی عالیہ بھٹ کی فلم ’’جگرا‘‘ کو او ٹی ٹی پر کافی پسند کیا جارہا ہے۔ مشہور ہدایتکار ہنسل مہتا نے کہا کہ ’’بلاک بسٹر کے نام پر جو کچرا بنایا جاتا ہے، ’’جگرا‘‘ اس سے کہیں زیادہ بہتر ہے۔‘‘

عالیہ بھٹ کی فلم ’’جگرا‘‘ مثبت تجزیوں کے باوجود باکس آفس پر دھوم نہیں مچاسکی تھی لیکن نیٹ فلکس پر اس کی ریلیز نے مداحوں میں جوش بھردیا ہے۔ جمعہ کو اسٹریم ہونے کے بعد سے، بہت سے ناظرین نے سوشل میڈیا پر فلم کے بارے میں اپنے خیالات کا اظہار کیا ہے جن میں مشہور ہدایتکار ہنسل مہتا بھی شامل تھے جنہوں نے فلم کی تعریف کرتے ہوئے کہا کہ ’’کچرے جیسی بلاک بسٹر سے بہتر ہے۔‘‘ انہوں نے لکھا کہ ’’بہت تاخیر کے بعد ’’جگرا‘‘ دیکھی اور یہ جگرا سے بھری ہوئی ہے۔ وسن کا جگرا، عالیہ کا جگرا، کرن کا جگرا، فلم۔‘‘ انہوں نے مزید کہا کہ ’’اچنٹ کی موسیقی لاجواب ہے اور اس سنسنی خیز سواری کے موڈ میں اضافہ کرتی ہے۔ ’’دیومالائی بلاک بسٹرز‘‘ کے نام پر جو کچرا پروسا جاتا ہے، ’’جگرا‘‘ اس سے کہیں بہتر ہے۔‘‘

Very late in the day but finally saw ‘Jigra’. It’s full of Jigra. Vasan’s Jigra. Alia’s Jigra. Karan’s Jigra. The film consciously avoids a melodramatic bhai-behen setup, doesn’t set up its protagonists in a manipulative way, it makes Satya almost like an impenetrable fortress,… pic.twitter.com/Gzjqi7jHWt

— Hansal Mehta (@mehtahansal) December 7, 2024

سوشل میڈیا پر کئی صارفین نے فلم کی تعریف کی۔ وسن بالا کی ہدایت کاری میں، ’’جگرا‘‘ عالیہ بھٹ کی ۲۰۲۴ء کی واحد سولو ریلیز تھی۔