جونس برادرز (نک جونس، جو جونس، کیون جونس) نے اپنے کیلیفورنیا کنسرٹ میں ’’نائٹ چینجز‘‘ نغمہ گا کر ’’ون ڈائریکشن‘‘ کے سابق رکن لیئم پین کو خراج عقیدت پیش کیا جس سے مداحوں کی آنکھیں نم ہوگئیں۔

برطانوی بینڈ ’’ون ڈائریکشن‘‘ کے سابق ممبر لیئم پین کی اچانک موت سے پوری دنیا صدمہ کے کیفیت میں تھی۔ ۱۶؍ اکتوبر کو برطانوی گلوکار کے انتقال کے بعد مداحوں اور مشہور شخصیات نے انہیں خراج عقیدت پیش کیا۔ حال ہی میں ’’جونس بردارز‘‘ (نک جونس، جو جونس اور کیون جونس) نے کیلیفورنیا میں اپنے کنسرٹ کے دوران لیئم پین کو خراج عقیدت پیش کیا۔ نک، جو اور کیون پر مشتمل اس بینڈ نے ’’ون ڈائریکشن‘‘ کا آخری نغمہ ’’نائٹ چینجز‘‘ پرفارم کیا، جس سے شائقین کی آنکھیں نم ہو گئیں۔

The Jonas Brothers covering "Night Changes" last night. 🤍pic.twitter.com/p2JP0IEXyB

— Remembering Liam Payne (@updatingljp) November 11, 2024

سوشل میڈیا پر گردش کرنے والے ویڈیوز میں، نک جونس اور ان کے بھائیوں کو آنجہانی گلوکار کے اعزاز میں گانا گاتے ہوئے دیکھا جاسکتا ہے۔ جب نک نے گانا شروع کیا، سب سے بڑے بھائی جونس بھی شامل ہوگئے اور کیون نے گٹار سنبھال لی۔ اس کنسرٹ کے کلپس یوٹیوب سمیت سوشل میڈیا پلیٹ فارمز پر وائرل ہورہے ہیں۔ اور ان کا کمنٹ باکس مداحوں کے پیغامات سے بھر گیا۔ 

.@RitaOra remembers her friend, Liam Payne ❤️ #MTVEMAs pic.twitter.com/pmHv9dct9B

— MTV EMA (@mtvema) November 10, 2024

اطلاعات کے مطابق، لیئم پین کی لاش ان کے والد جیوف پین کے حوالے کر دی گئی ہے، جو اپنے بیٹے کی موت کے بعد سے ارجنٹائنا میں تھے۔ گلوکار کی تدفین ان کے آبائی ملک انگلینڈ میں ہوگی۔ یاد رہے کہ لیئم پین ارجنٹائنا کے شہر بیونس آئرس میں ہوٹل کے کمرے کی تیسری منزل کی بالکونی سے گرنے کے بعد انتقال کر گئے تھے۔ ان کی عمر ۳۱؍ سال تھی۔