جنوبی ہند کی فلموں کے سپر اسٹارکمل ہاسن نے فلمساز منی رتنم کے ساتھ دوبارہ کام کرنے پر خوشی کا اظہار کیا ہے۔

جنوبی ہند کی فلموں کے سپر اسٹارکمل ہاسن نے فلمساز منی رتنم کے ساتھ دوبارہ کام کرنے پر خوشی کا اظہار کیا ہے۔ کمل ہاسن نے ۱۹۸۷ء میں ریلیز ہونے والی منی رتنم کی فلم نیاکن میں کام کیا تھا۔ ۳۷؍ سال بعد یہ جوڑی فلم ’ٹھگ لائف‘میں ایک ساتھ کام کر رہی ہے۔ کمل ہاسن نے منی رتنم کے ساتھ مل کر’ٹھگ لائف‘ کی کہانی لکھی ہے۔ 
 جمعہ کو فلم ٹھگ لائف کا پہلا گانا’جنگوچا‘ ریلیزہوا۔ اس دوران کمل ہاسن نے منی رتنم کے ساتھ دوبارہ کام کرنے پر خوشی کا اظہار کیا۔ انہوں نےکہا کہ منی صاحب اور میرے درمیان کچھ نہیں بدلا۔ جب ہم ملے تو ہم نے صرف ایلڈمز روڈ پر اپنی موٹرسائیکلیں کھڑی کرنے کی بات کی۔ ہم ان پر بیٹھ کر ان باتوں پر بات کرتے تھے۔ ہم ایک بہتر اسکرپٹ کی تلاش میں تھے اور ہمیں ایک ساتھ کام کرنے میں اتنا وقت لگا۔ ہم نے جس کےبارے میں بات کی تھی اس کا صرف ۲۵؍ فیصدہی کیا ہے۔ کمل ہاسن نے کہا، جب میں منی رتنم کےساتھ کام کرتا ہوں تو مجھے اپنے گرو اور مشہور ہدایت کارسے تحریک ملتی ہے۔ قابل ذکر ہے کہ فلم ٹھگ لائف کو راج کمل فلمزانٹرنیشنل، مدراس ٹاکیز اور ریڈ جائنٹ موویز نےمشترکہ طور پر پروڈیوس کیا ہے۔ فلم کی موسیقی لیجنڈ موسیقار اے آر رحمان نے دی ہے۔