حال ہی میں کپل شرما نے یہ کہہ کر سنیل گروور کی تعریف کی ہے کہ پورا شو ایک طرف ہے اوران(سنیل)کی فین فالوونگ ایک طرف۔ اس دوران کپل نے ارچنا پورن سنگھ کو اپنا لکی چارم بتایاہے۔

حال ہی میں کپل شرما نے یہ کہہ کر سنیل گروور کی تعریف کی ہے کہ پورا شو ایک طرف ہے اوران(سنیل)کی فین فالوونگ ایک طرف۔ اس دوران کپل نے ارچنا پورن سنگھ کو اپنا لکی چارم بتایاہے۔ واضح رہے کہ کپل جلد ہی ’دی گریٹ انڈین کپل شو‘سےواپسی کرنے والے ہیں۔ یہ شو نیٹ فلکس پرنشرکیا جائے گا۔ اس شو کی خاص بات یہ ہےکہ سنیل گروور۷؍سال بعد اس میں واپسی کر رہےہیں۔ ان کے اور کپل کے درمیان تمام اختلافات دور ہو گئے ہیں۔ کپل نے شو کےپروموشنل ایونٹ میں کہا، `وہ(ارچنا سنگھ) ہماری لکی چارم ہیں۔ ہم نے ۲۰۱۳ءمیں شو شروع کیا۔ اس سے پہلے میں نے ارچنا جی کے ساتھ کامیڈی سرکس میں کام کیا تھا۔ ان کی خاصیت یہ ہے کہ وہ کامیڈی کو ہر طرح سے سمجھتی ہیں، یہ ان کا فن ہے۔ جب وہ ہمارے سامنےبیٹھتی ہےہم بہت لطف اندوز ہوتے ہیں۔ سنیل گروور۷؍سال بعد اس شو میں واپسی کررہےہیں۔ ۲۰۱۷ءمیں کپل اور ان کے درمیان کافی جھگڑا ہواجس کے بعد دونوں نے ایک ساتھ کام کرنا چھوڑ دیا۔ کپل نے اس شو کے پروموشنل ایونٹ میں سنیل کی بھی تعریف کی۔ انہوں نے کہا کہ یہ شو۱۱؍سال سے چل رہا ہے۔ میں اس شو کو اتنی محبت دینے کے لیے سب کا شکریہ ادا کرتا ہوں۔ اس بار ہم زیادہ جوش و خروش کے ساتھ آرہے ہیں۔