راکیش روشن کی ’’کرن ارجن‘‘ ۳۰؍ سال بعد سنیما گھروں میں ۲۲؍ نومبر کو دوبارہ ریلیز ہورہی ہے۔ اس موقع پر شاہ رخ خان، سلمان خان اور کاجول نے فلم کے ٹریلر کو اپنے سوشل میڈیا پر شیئر کیا۔ نئے ٹریلر کو رتیک روشن نے اپنی آواز دی ہے۔

شاہ رخ خان اور سلمان خان کی ’’کرن ارجن‘‘ ۲۲؍ نومبر کو ری ریلیز ہوگی۔ اس دن فلم کی ریلیز کو ۳۰؍ سال مکمل ہورہے ہیں۔ اس موقع پر ہدایتکار راکیش روشن اس فلم کو دنیا بھر میں دوبارہ ریلیز کر رہے ہیں۔ ’’کرن ارجن‘‘ کی ری ریلیز پر سلمان خان اور شاہ رخ خان، دونوں ہی نے اپنے ردعمل کا اظہار کیا۔ بالی ووڈ کے کنگ خان نے ایکس پر فلم کا نیا ٹریلر بھی شیئر کیا۔ دلچسپ بات یہ ہے کہ اس نئے ٹریلر میں ریتک روشن نے اپنی آواز (وائس اوور) دی ہے۔ ٹریلر شیئر کرتے ہوئے شاہ رخ نے لکھا، ’’کچھ بندھن ایسے ہوتے ہیں، جن کیلئے ایک جنم پورا نہیں ہوتا۔ کرن ارجن ۲۲؍ نومبر کو دنیا بھر کے سینما گھروں میں ریلیز ہو رہی ہے!‘‘

Kuch bandhan aise hote hai, jinke liye ek janam poora nahi hota! #KaranArjun re releasing in cinemas worldwide from Nov 22nd!@RakeshRoshan_N #RajeshRoshan @BeingSalmanKhan @itsKajolD #MamtaKulkarni #Rakhee #AmrishPuri @tipsofficial @PenMovies #30yearsOfKaranArjun pic.twitter.com/D7tih2QwMf

— Shah Rukh Khan (@iamsrk) November 13, 2024

سلمان نے بھی نئے ٹریلر کو شیئر کرنے میں شاہ رخ کا ساتھ دیا اور لکھا کہ ’’۲؍ نومبر کوورلڈ وائڈ ری ریلیز۔‘‘ کاجول نے بھی ان کا ساتھ دیا اور اپنے انسٹاگرام پر لکھا کہ ’’یہ تو بس ٹریلر ہے، دیکھئے کرن ارجن کے پیار کا بندھن دنیا بھر کے سنیما گھروں میں پھر ایک بار، ۲۲؍ نومبر سے!‘‘ دریں اثناء، راکیش روشن کے بیٹے رتیک روشن نے فلم کے ٹریلر کو اپنی آواز دی۔

World Wide Re-Release on 22nd November#30yearsOfKaranArjun @RakeshRoshan_N #RajeshRoshan @iamsrk @itsKajolD #MamtaKulkarni #Rakhee #AmrishPuri @tipsofficial @PenMovies pic.twitter.com/mEWV7UbpBY

— Salman Khan (@BeingSalmanKhan) November 13, 2024

وائس اوور میں وہ کہتے ہیں کہ ’’کچھ بندھن ایسے ہوتے ہیں جن کیلئے ایک جنم پورا نہیں ہوتا، کچھ بدلے ایسے ہوتے ہیں، جن کیلئے ایک جنم پورا نہیں ہوتا، کچھ کہانیاں ایسی ہوتی ہیں جن کیلئے ایک جنم پورا نہیں ہوتا، اور کچھ لوگ ایسے ہوتے ہیں جن کیلئے ایک جنم پورا نہیں ہوتا۔‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by Kajol Devgan (@kajol)

واضح رہے کہ ’’کرن ارجن‘‘ کو بالی ووڈ کی کلاسیک فلموں کا درجہ حاصل ہے جس کی کہانی دو بھائیوں کرن (سلمان) اور ارجن (شاہ رخ خان) کے گرد گھومتی ہے جو ٹھاکر سنگرام سنگھ (امریش پوری) کے ساتھ لڑائی کے دوران مارے جاتے ہیں۔ ان کی ماں (راکھی) ان کی واسپی کا انتظار کرتی ہے اور دونوں بھائیوں کا دوسرا جنم ہوتا ہے۔