بہترین فلم ایڈیٹر ایوارڈ یافتہ نشاط یوسف کیرالا کے ضلع ایرناکولم میں اپنی رہائش گاہ کے باہر مردہ حالت میں پائے گئے۔ ان کی موت کی وجہ معلوم نہیں کی جاسکی ہے جبکہ پولیس نے تفتیش شروع کر دی ہے۔

انعام یافتہ فلم ایڈیٹر نشاط یوسف آج کیرالا کے ضلع ایرناکولم کے پانمپلی نگر میں اپنی رہائش گاہ کے قریب مردہ پائے گئے ہیں۔ پولیس حکام نے اس واقعے کی اطلاع ملنے کے بعد تفتیش شروع کی ہے۔ تاہم، نشاط یوسف کی موت کی وجہ معلوم نہیں کی جاسکی ہے۔ خیال رہے کہ نشاط ملیالم فلموں کیلئے جانے جاتے تھے جن میں ’’انڈ‘‘، ’’ون‘‘، ’’ تھلومالا ‘‘اور ’’سعودی ویلکا‘‘ قابل ذکر ہیں۔

یہ بھی پڑھئے: جاپان میں غیریقینی سیاسی صورتحال، وزراء مستعفی

تاہم، وہ اپنے نئے پروجیکٹ پر کام کر رہے تھے جن میں مورتھی موہن لال، مموتی بزوکا اور سریہ کنگوا شامل ہیں۔ یاد رہے کہ ۲۰۲۲ء میں نشاط کو تھلومالا کیلئے بہترین فلم ایڈیٹر کے ریاستی اعزاز سے نوازا گیا تھا۔

Shocking news to start the day 😭#Kanguva Editor Nishad Yusuf (43) Passed away!!

He was found dead in his flat in Panampilly Nagar in Kochi at around 2 am on Wednesday. pic.twitter.com/qSdsqaZaFv

— Christopher Kanagaraj (@Chrissuccess) October 30, 2024

دی فلم امپلائیوز فیڈریشن آف کیرالا (ایف ای ایف کے اے) نے ان کی موت پر اظہار تعزیت کرتے ہوئے اپنی پوسٹ میں لکھا ہے کہ ’’نشاط یوسف، جو ایک بہترین فلم ایڈیٹر تھے، کی ناقابل یقین موت کا سن کر بہت افسوس ہوا۔ انہوں نے ملیالم سنیما کی ترقی میںاہم کردار ادا کیا تھا۔ ان کی موت پر ایف ای ایف کے اے ڈائریکٹرز یونین کا اظہار تعزیت ہے۔‘‘