کیارا اڈوانی اس سال کانز فلم فیسٹیول میں ہندوستان کی نمائندگی کریں گی ۔خیال رہے کہ کانز فلم فیسٹول کا ۷۷؍ واں ایڈیشن ۱۴؍مئی سے ۲۵؍ مئی تک ہوگا۔

کیارا اڈوانی اس سال معروف کانز فلم فیسٹیول میں شرکت کریں گی اور ہندوستان کی نمائندگی کریں گی۔ بامبے ٹائمز کی رپورٹ کے مطابق وہ ریڈ سی فلم فاؤنڈیشن کی ویمن ان سنیما گالا کینز ۲۰۲۴ء کے ڈنر میں شرکت کریں گی۔ اس کی میزبانی وینٹی فیئر کرے گا اور دنیا بھر سے۶؍ خواتین اس میں شامل ہوں گی۔ ورائٹی کی رپورٹ کے مطابق کانز فلم فیسٹیول ۲۰۲۴ء میں عالمی ترغیبات اور فلم بندی کے بارے میں چار پینل کے مباحثے ہوں گے جو ۱۸؍ مئی کو لاپلیج ڈیس پالیمس میں منعقدہ ہوں گے۔ کیارا ریڈ سی انٹرنیشنل فلم فیسٹول کے پینل میں حصہ لیں گی۔
ایشوریہ رائے اور ادیتی راؤ حیدری بھی کانز فلم فیسٹول کے تازہ ترین ایڈیشن میں ’’لوریل‘‘ کے امبیسیڈر کے طو رپر نظر آئیں گی۔ ادیتی نے ۲۰۲۲ء میں اس فیسٹول سے آغاز کیا تھا۔

انڈیا کانز ۲۰۲۴ء
کانز فلم فیسٹول کا ۷۷؍ واں ایڈیشن ۱۴؍مئی سے ۲۵؍ مئی تک ہوگا۔ ہندوستان ۷۷؍ ویں کانز فلم فیسٹول میں ’’بھارت پرو‘‘ کی میزبانی کرنے کیلئے تیار ہے تاکہ دنیا بھر سے نامور شخصیات اور مندوبین کیلئے بے شمار تخلیقی مواقع کی نمائش کی جاسکے۔