سابق بینڈ’’ون ڈائریکشن‘‘ کے لیئم پین کے انتقال پر ان کے دیگر ۴؍ ساتھیوں، زین ملک، لوئس ٹامنلسن، ہیری اسٹائلز اور نیل ہوران نے اظہار تعزیت کیاجبکہ ون ڈائریکشن کے آفیشیل انسٹاگرام سے مشترکہ بیان بھی جاری کیا گیا۔

لیئم پین کے ’’وَن ڈائریکشن بینڈ‘‘ کے دیگر ساتھیوں نے ان کی موت پر مشترکہ بیان جاری کیا۔ خیال رہے کہ یہ بینڈ ۵؍ افراد (ہیری اسٹائلز، لوئس ٹاملنسن، نیل ہوران اور زین ملک) پر مشتمل تھا۔ دیگر ۴؍ ساتھیوں نے ون ڈائریکشن نے آفیشیل انسٹاگرام پر کہا کہ ’’ہم لیئم کے انتقال کی خبر سن کر گہرے صدمے سے دوچار ہیں۔ اس کیفیت سے باہر آنے کے بعد ہمارے پاس کہنے کیلئے بہت کچھ ہوگا۔ لیکن ابھی کیلئے صرف یہ کہنا چاہتے ہیں کہ ہم اپنے بھائی سے بہت پیار کرتے تھے۔ ‘‘ انہوں نے یہ بھی بتایا کہ وہ لیئم کے ساتھ گزارے گئے لمحوں کو ہمیشہ اپنی یادوں میں محفوظ رکھیں گے۔

لوئس ٹاملنسن نے لیئم پین کے انتقال پر انفرادی بیان میں کہا کہ ’’ہم دل شکستہ ہیں، لیئم ہمارے دلوں میں ہمیشہ زندہ رہے گا اور ہم اسے اس کی مہربان اور بہادر روح کیلئے یاد رکھیں گے۔‘‘