پہلے ہی فلم کے لیے نیشنل ایوارڈ:
غور طلب ہے کہ متھن نے ۱۹۷۶ءمیں فلم ’مِرگیا‘سے سنیما میں قدم رکھا۔ متھن کو پہلی ہی فلم میں بہترین اداکار کا نیشنل ایوارڈ ملا۔ اس کے بعد پچھلے ۴۸؍ سالوں سے متھن نے کبھی سنیما میں پیچھے مڑ کر نہیں دیکھا۔ متھن نے ہندوستانی سنیما میں سینکڑوں فلمیں کی اور اب بھی فلموں میں سرگرم ہیں۔ وہ آخری بار بنگالی فلم ’’کابلی والا‘‘ (۲۰۲۳ء) میں نظر آئے تھے۔ اس کے علاوہ متھن کو کئی ڈانس ریئلٹی شوز میں جج کے طور پر بھی دیکھا گیا ہے۔
متھن کا شاندار کریئر:
اپنے کرئیر کے آغاز میں وہ چھوٹے چھوٹے کرداروں میں نظر آئے۔ متھن نے فلم ’’دو انجانے‘‘، ’’پھول کھلے ہیں گلشن گلشن‘‘ میں چھوٹے اسکرین پر کام کیا۔ پھر ۱۹۷۹ءمیں ریلیز ہونے والی کم بجٹ کی فلم ’’سُرکشا ‘‘ نے انہیں شہرت حاصل کرنے میں مدد کی۔ فلم `’’پریم ویوہنے ‘‘بھی ان کے کریئر کو بڑھانے میں اہم کردار ادا کیا۔ متھن نے ’ہم سے بڑھ کر کون‘،’ شاندار‘،’ ترینترا‘،’ اگنیپتھ‘، ’ہم سے ہے زمانہ‘، ’وہ جو حسینہ‘، ’اعلان‘، ’زور لگا کے...ہیا‘، میں کام کیا ہے۔ ’چل چلیں ڈسکو ڈانسر‘،’ `ٹیکسی چور‘،’ `دی کشمیر فائلز‘جیسی ہٹ فلموں میں کام کر چکے ہیں۔

متھن نے بنگالی سنیما میں ۱۹۷۸ءمیں فلم’’ نادی تھیکے ساگرے‘‘ سے ڈیبیو کیا۔ ۲۰۰۸ءمیں، متھن بھوجپوری فلم ’’بھولے شنکر‘‘میں نظر آئے۔ کہا جاتا ہے کہ یہ اب تک کی سب سے بڑی بھوجپوری فلم ہے۔ انہیں اپنے کرئیر میں بہترین کارکردگی پر۳؍بار نیشنل ایوارڈ مل چکا ہے۔

وزیر اعظم نریندر مودی نے اس اعزاز پر متھن چکرورتی  کو مبارکباد دی 
وزیر اعظم نریندر مودی نے اس اعزاز پر متھن چکرورتی کوایکس پر مبارکباد دیتے ہوئے کہاکہ ’’خوشی ہے کہ شری متھن چکرورتی جی کو ہندوستانی سنیما میں ان کی بے مثال خدمات کو تسلیم کرتے ہوئے، باوقار دادا صاحب پھالکے ایوارڈ سے نوازا گیا ہے۔ وہ ایک ثقافتی آئیکون ہیں، جو اپنی ورسٹائل پرفارمنس کیلئے نسل در نسل سراہا جاتے ہے۔ اس کیلئے مبارکباد اور نیک خواہشات۔‘‘

Delighted that Shri Mithun Chakraborty Ji has been conferred the prestigious Dadasaheb Phalke Award, recognizing his unparalleled contributions to Indian cinema. He is a cultural icon, admired across generations for his versatile performances. Congratulations and best wishes to… https://t.co/aFpL2qMKlo

— Narendra Modi (@narendramodi) September 30, 2024