بہترین انٹرنیشنل فیچر فلم کے زمرے میں برطانیہ کی جانب سے ہندوستانی فلم ’’سنتوش‘‘ نامزد کی گئی ہے۔ یہ فلم کرن راؤ کی ’’لاپتہ لیڈیز‘‘ سے مقابلے کرے گی۔ جانئے آخر ہندوستانی فلم کو برطانیہ نے کیوں نامزد کیا ہے؟

ہندوستان کی جانب سے آسکر ۲۰۲۵ء کیلئے بہترین انٹرنیشنل فیچر فلم کے زمرے میں ’’لاپتہ لیڈیز‘‘ کو نامزد کرنے کے صرف ۲؍ دن بعد برطانیہ نے اس زمرے میں ہندوستانی فلم ’’سنتوش‘‘ کو نامزد کیا ہے۔ ہند نژاد برطانوی ہدایتکار سندھیا سوری کی فلم آسکر میں کرن راؤ کی ’’لاپتہ لیڈیز‘‘ سے مقابلہ کرے گی۔ ’’سنتوش‘‘ میں شاہانہ گوسوامی اور سنیتا راجوار نے مرکزی کردار ادا کئے ہیں۔ اس سال کے کانز فلم فیسٹیول اسے پذیرائی ملی تھی اور بافٹا کیلئے بھی اسے منتخب کیا گیا تھا۔ 

👮‍♀️ 𝗦𝗔𝗡𝗧𝗢𝗦𝗛 by #SandhyaSuri enters the Oscar race as the UK’s official entry for International Feature Film, following its amazing festival journey at Cannes, Telluride, and Toronto. 🇬🇧

⭐ Congratulations to the filmmakers! pic.twitter.com/yfQwdjzQM5

— mk2 films (@FilmsMk2) September 26, 2024

برطانیہ نے ہندوستانی فلم’’سنتوش‘‘ کو کیوں نامزد کیا؟ 
اگرچہ ’’سنتوش‘‘ ہندی زبان کی فلم ہے، لیکن اسے برطانیہ کی جانب سے اس لئے نامزد کیا گیا ہے کہ فلم کو برطانوی فلمسازوں نے پروڈیوس کیا ہے۔ مائیک گڈریج، جیمز بوشر، بالتھزار ڈی گانے، اور ایلن میک ایلکس اس کے پرڈویوسر جبکہ اما امپاڈو، ایوا یٹس، ڈیارمڈ سکریم شا، لوسیا ہاسلاؤر، اور مارٹن گیرہارڈ سمیت ایگزیکٹو پروڈیوسر ہیں۔ اگر اسے آسکر ملتا ہے تو یہ اس زمرے میں برطانیہ کی طرف سے جمع کرائی جانے والی پہلی ہندی زبان کی فلم ہوگی۔